ره‌وشا سه‌قايێ سوبه‌هى
ئه‌ڤرۆ نيوز:
رێڤه‌به‌ريا كه‌شناسى و بيڤه‌له‌رزێ ل دهۆكێ راگه‌هاند كو سوبه‌هى رۆژا پێنجشه‌مبى رێكه‌فتى 25ى شۆباتا 2016ێ ئه‌سمان دێ ئه‌ور بيت و ل ده‌مێن سپێدێ زوو دێ ده‌ليڤا بارانێ هه‌بيتو پاشان دێ بۆ ئه‌وره‌كێ ناڤه‌ندى هێته گوهۆڕين.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ فشارێن نزمێن ده‌ريا ناڤه‌راست و فشارێن نزمێن گزيرتا عه‌ره‌بى بۆ سه‌ر هه‌رێما كوردستانێ دهێته پێشبينيكرن ئه‌سمان دێ بيت و ل ده‌مێن سپێدێ زوو دێ ده‌ليڤا بارانێ هه‌بيت و پاشان دێ بۆ ئه‌وره‌كێ ناڤه‌ندى هێته گوهۆڕين.
پشكا پێشبينيان دايه زايه زانين كو دێ ئاراستێ باى ژى دێ باكوورێ رۆژهه‌لات بيت ب ره‌نگه‌كى د ناڤبه‌را 5 هه‌تا 10 كم دا و هنده‌ك و ماوێ ديتنێ ژى دێ 8 بۆ 10كم بيت، پلێن گه‌رمێ ژى دێ د ناڤبه‌را (8 بۆ 14) پلان دا بيت.
