ره‌وشا 35 تووشبوویێن كۆرۆنایێ تێكچوویه
ئەڤرۆ نیوز:
سه‌رپه‌رشتێ چاره‌سه‌ركرنا نه‌خۆشێن كۆرۆنایێ ل پارێزگه‌ها دهۆكێ دیاركر كو ژ به‌ر زێده‌بوونا حاله‌تیێن نه‌خۆشیا كۆرۆنایێ ره‌وش نوكه باش نینه نوكه 35 تووشبوویێن كۆرۆنایێ دناڤ نه‌خۆشخانێ دانه ره‌وشا وان تێكچوویه.
د. موئه‌یه‌د ئه‌غالى، سه‌رپه‌رشتێ چاره‌سه‌ركرنا نه‌خۆشێن كۆرۆنایێ ل پارێزگه‌ها دهۆكێ دیاركركو نوكه 35 تووشبوویێن كۆرۆنایێ د ره‌وشه‌كا نه‌باش دانه بۆ هه‌موویان ئوكسجین هاتینه دانان هه‌روه‌سا بۆ سێ تووشبویان ژى ئامیرێ هه‌ناسه‌دانا ده‌ستكرد هاتیه دانان راستى ژى ره‌وش باش نینه چونكو حاله‌تێن كۆرۆنایێ یێ زێده بن پێدڤیه وه‌لاتیێ پتر خوە بپارێزن.
ئاشكه‌را كركو تووشبوویێن ره‌وشا وان تێكچوویێ ژى پتر ئه‌ون یێن نه‌خۆشێن دومدرێژ هه‌ین هه‌ر تشته‌كێ د شیان دا بیت بۆ تووشبوویان دهێته ئه‌نجامدان پێخه‌مه‌ت باشكرنا ره‌وشا وان یا ساخله‌میێ.
