ره‌وشه‌كا نه‌ئاسایی ل رۆژهه‌لاتێ كوردستانێ هه‌یه‌

ئه‌ڤرۆ نیۆز، هۆشه‌نگ تاجر:
عه‌لی شه‌هبازی چاڤدێرێ سیاسی ل باژارێ ئورمیێ یێ رۆژهه‌لاتێ كوردستانێ بۆ ئه‌ڤرۆ نیۆز دیار كر كو چه‌ند رۆژن ب هزاران له‌شكرێن ئیرانێ ل چه‌ندین باژارێن رۆژهه‌لاتێ كوردستانێ هاتینه‌ بنه‌جه كرن و هاتن و چوونا وه‌لاتیان ژی ب ره‌نگه‌كێ به‌رچاڤ هاتیه‌ ئاسته‌نگ كرن و گۆت: (دوهی ل باژارێ سنه‌ و كرمانشان حه‌فت چالاكڤانێن كورد ب ئه‌گه‌رێ كو دژبه‌ریا سیسته‌مێ ئیرانێ دكه‌ن ژ ئالیێ هێزێن ئێمناهیێ ڤه‌ هاتینه‌ گرتن و هه‌تا نها ژی چاره‌نڤیسێ وان دیار نینه‌).
ناڤهاتی د دووماهیا ئاخڤتنا خوه‌ دا ئه‌و یه‌ك ژی دیار كر كو نها ره‌وشه‌كا نه‌ئاسایی ل رۆژهه‌لاتێ كوردستانێ هه‌یه‌ و هێشتا ژی ب ته‌مامی دیار نینه‌ كا مه‌ره‌ما هاتنا هێزێن له‌شكری بۆ باژارێن كوردستانێ چیه‌ و به‌رپرسێن ئیرانێ ژی هه‌تا نها چو داخۆیانیێن فه‌رمی د ڤێ ده‌ربارێ دا نه‌داینه‌.

کۆمێنتا تە