روسیا ھاریکاریا داعش و یەپەکێ دکەت بۆ گرتنا ڕێیێن ستراتیژی
ئەڤرۆ نیوز، ئەیاد بەرواری:
ئاژانسەکا دەنگوباسێن تورکی بەلاڤکریە کو روسیا ھاریکاریا داعشێ و ھێزێن پەیەدێ دکەت بۆ گرتنا ھندەک ڕێیێن ستراتیژی د ناڤبەرا سووریێ و تورکیا دا.
ل دووڤ ئاژانسا ناڤبری، ھێرشێن روسیا و یەکینەیێن پاراستنا گەل (یەپەکێ) و داعشێ، د ھەڤدەمن، ل سەر ڕێیێن ستراتیژی د ناڤبەرا سنۆرێ تورکیا و باژێرێ حەلەب ل باکوورێ سووریێ کو ھێزێن بەھنگاریا چەکدار یا سووری کونترۆلێ ل سەر وێ دەڤەرێ دکەت.
پشتی کەفتنا فرۆکا روسی ژلایێ تورکیا ڤە، روسیا دەست ب پشتەڤانیا ئەسمانی بۆ داعشێ و حزبا ئێکەتیا دیموکراتی یا کوردی ( کو بالێ پەکەکێ یە ل سووریێ) ب ئارمانجا گرتنا ڕێیێن ستراتیژی.
ل دووڤ ھندەک ژێدەرێن ناڤخوەیی بۆ ئەنادۆلێ دیارکریە کو چەدارێن داعشێ ژ ناحیا (ێوران) ل باکوورێ حەلەبێ یێن بەر ب ھەردو گوندێن (کفرە و جارز) ڤە ل باشوورێ رۆژھەلاتا (اعزاز) ڤە چووین و ب پشتەڤانیا ئەسمانی یا روسی یێن کونترۆلکرین پشتی شەڕەکێ دژوار ل گەل ھێزێن بەھنگاریا سوری یا چەکدار و ئەڤ چەندە یا ھەڤدەم بوو ل گەل ھێرشێن فرۆکێن روسی ل سەر بەرەیێن شەڕی ل گوندێن (کلجبرین و کلرم تراب) و ڕێیا (کاسیتلۆ) ل باکوورێ حەلەبێ یێن دبن کونترۆلا بەھنگاریا سووری یا چەکدار دا، کو دبنە ھێلێن شەڕی ل گەل یەکینەیێن پاراستنا گەل (یەپەکێ) کو بالێ لەشکریێ حزبا ئێکەتیا دیموکراتا کوردی یە (پەیەدە). و فرۆکێن روسی ھێرشێن ئەسمانی ل سەر گوندێن (تنب و کشتعار و مالکیە) کو دبن کونترۆلا بەرھنگاریا سووری دانە و دکەڤنە د ناڤبەرا (دێر جەمال) و ( اعزاز) دا.
ھەر د ھەفتیا بۆری دا، ھێزێن یەپەکێ ب پشتەڤانیا ئەسمانی یا روسی، بەر ب کۆبانی (رۆژھەلاتا جەرابلس) و عفرین (رۆژئاڤایێ اعزاز) ڤە ل حەلەب چوون، ب ئارمانجا ئێکگرتنا وان ھەردو باژێران و کونترۆلکرنا دەڤەرا وان ھەردو باژێران ب ھەڤدوڤە گرێددەت.
ھێزێن یەپەکێ ھێرشێ دکەنە سەر ھێلێن بەرەیێ اعزاز یێن دبن کونترۆلا بەرھنگاریا سووری ژلایەکی ڤە، و شەڕێ داعشێ ژی ل ھێلا جەرابلس دکەن بۆ دەربازبوونا رووبارێ فورات ژلایەکێ دی ڤە ب ئارمانجا کونترۆلکرنا جەرابلسێ ددەمەکی دا دەڤەرا دکەڤیتە د ناڤبەرا ھەردو باژێرێن منبج و جەرابلس یێن ب سەر حەلەبێ ڤە یێن تووشی 15 ھێرشێن ئەسمانی بووین ددەمێ سێ رۆژان دا.
ل دووڤ ژێدەرێن ناڤخوەیی، باژێرێن (دێر جەمال و مریمین و مالکیە و زیارە) ل رۆژھەلاتا عفرینێ کو دبن کونترۆلا بەرھنگاریا سووری دانە، ئەڤە دەمێ ھەفتیەکێ یە یێن تووشی ھێرشێن ئەردی یێن (یەپەکێ) و ھێرشێن ئەسمانی یێن روسی دبن.
