روفاتێن د ناڤ گۆرێن ب کۆم دا ژبەر بارانێ چووینە
ئەڤرۆ نیوز:
قایمقامێ قەزا شنگالێ دیار کر کو لەھیێن بارانێ بووینە ئەگەرێ وێ چەندێ کو رۆفاتێن د ناڤ گۆرێن ب کۆم دا ل دەڤەرا شنگالێ بچن و گۆت: ” ھەکە ئەڤ گۆرێن ب کۆم د زڤستانا ئەڤ سالە دا نەھێنە کۆلان دێ گەلەک زیان گەھیتە وان گۆران”.
مەحما خەلیل، قایمقامێ قەزا شنگالێ بۆ رۆژناما ئەڤرۆ ئاشکرا کر کو ھژمارا گۆرێن ب کۆم ل شنگالێ گەھشتیە 30 گۆران و گۆت: ” لەھیێن بارانێ گەلەک زیان گەھاندیە گۆرێن ب کۆم و ھەستیکێن کۆشتیان ژ بن ئاخێ دەردکەڤن ئانکو روفات ل بەر بارانێ چووینە”.
ناڤھاتی ئاماژە دا وێ چەندێ کو ئەو داخوازێ ژ نەتەوەیێن ئێکگرتی و حوکمەتێن عیراقێ و ھەرێما کوردستانێ و ئیدارا مووسلێ و رێکخراوان دکەن ب زووترین دەم دەست ب کۆلانا وان گۆرێن ب کۆم بکەن، چونکی ل وەرزێ زڤستانێ مەترسیا ژناڤچوونا وان گۆران یا ھەی و ئەڤ چەندە دێ زیانێ گەھینیتە بادەکا جینۆسایدێ و گۆت: “حوکمەتا عیراقێ پێنگاڤێن رژد بۆ کۆلان و دوکیۆمێنتکرنا گۆرێن ب کۆم نەھاڤێتینە، چونکی رۆفاتێن کوردێن ئێزدی یێن د ناڤ وان گۆران دا”.
