رونالدۆ به‌حسێ چوونا خوه بۆ يوڤه‌نتوس دكه‌ت
ئه‌ڤرۆنيوز:
كريستيانۆ رونالدۆ دكۆنگره‌كێ رۆژنامه‌ڤانى دا ل ئيتاليا به‌حسێ چوونا خوه بۆ يانا يوڤه‌نتۆس يا ئيتالى دكه‌ت ودبێژت ئه‌ڤه پێنگاڤه‌كا گرنگ بوو دژيانا خوه دا من هاڤێتێ.
رونالدۆ گۆت ژى” يوڤه‌نتۆس ئێك ژ مه‌نترين يانێن جيهانێ يه وهيڤيدارم بشێن دگه‌لدا ناسناڤان ب ده‌ستڤه بينم”.
دياركر ژى” بريارا هاتنا من بۆ يوڤه‌نتۆس يا ب ساناهى بوو، راهێنه‌ره‌كێ مه‌زن يێ ل ڤێرێ “.
گۆت ژى” من دڤێت من شوين تبلێن خوه ل يوڤه‌نتوس هه‌بن وقاره‌مانيا خۆلائيتاليا يا ب ساناهى نينه وخۆله‌كا ته‌كتيكى يه، به‌لێ بده‌ستڤه‌ئينانا يوڤه‌نتوس بۆ خۆلا ئيتاليا ل حه‌فت وه‌رزێن بۆرى ل سه‌ر ئێك، ديار دكه‌ت كو يوڤه‌نتوس يانه‌كا مه‌زنه ل سه‌ر ئاستێ ئيتاليا وجيهانێ، هه‌تاكو ل وه‌رزێن بۆرى نێزيكى بده‌ستڤه‌ئينانا قاره‌مانيا خۆلا ئورۆپا ژى ببوو”.
ل دل دۆر يانا خوه يا به‌رێ، ريال مه‌دريد، رونالدۆى گۆت” من چيرۆكه‌كا مه‌زن ل ريال مه‌دريد دروستكر، سوپاسيا يانا ريال مه‌دريد دكه‌م چونكى هاريكاريا من دهه‌موو تشتان دا كر”.
ديسا گۆت” باوه‌رناكه‌م چو كه‌سه‌ك ل مه‌دريد ژبه‌ر چوونا من بكه‌ته گرى، چونكى ئه‌و دزانن ئه‌ڤه قۆناغه‌كا نوويه دژيانا من دا”.
سه‌باره‌ت ژيێ وى كو 33 سالن گۆت” يا بوويه نه‌ريته‌ك كو ياريكه‌رێن دژيێ من دا دچنه خۆلێن هنده‌ك وه‌لاتێن دى، به‌لێ هه‌بوونا من دگه‌ل يوڤه‌نتوس دڤى ژى دا بۆمن كه‌يفخوه‌شيه‌كا مه‌زنه”.
