روودانا ئه‌ڤرۆ زیانێن گیانى ل پشت خوه هێلان
ئه‌ڤرۆنیوز, ره‌زوان رۆژبه‌یانى:
پشتى مه به‌لاڤكرى كو پێكئاپه‌ك چوو دبن لۆریه‌كێ ڤه، ئه‌ڤرۆ نیوز پتر دووڤچوونا روودانێ كر و دیاربوو روودان ل سه‌ر رێیا گشتى یا داناڤبه‌را ناحیا روڤیا و پرا حسێنیه دا بوو و د ئه‌نجامدا دوو كه‌س بوونه قوربانى و زیانه‌كا مه‌زن ب رترومبێلان كه‌فتن.
كومیسه‌ر حازم محمد ژ راگه‌هاندنا هاتن چوونا قه‌زا به‌رده‌ره‌ش بۆ ئه‌ڤرۆنیوز خویاكر كو ئیرۆ ل رێكه‌فتێ 24/5/2015 ل ده‌مژمێر (12:30) ێ نیڤرۆ د رودانه‌كا هاتن و چوونێ ل سه‌ر رێیا گشتى یا ناڤبه‌را ناحیا رۆڤیا و پرا حسێنیه دا دو ترومبێل ژ جۆرێ قه‌لاب بارهه‌لگر و نیسان پیك ئاپ خوه پێكدادا و دئه‌نجام دا دوو وه‌لاتى جانێ خوه ژ ده‌ست دان كو مرۆڤێت ئیك بوون و زیانه‌كا مه‌زن ژى به‌ر ترومبێلا پیك ئاپ تۆیۆتا نیسان كه‌تیه.
كومیسه‌ر حازم دیار ژى كر ئه‌گه‌رێ رودانێ كو ئێك ژ شوفێران بورینا ب خه‌له‌تى بكارئینا بوو.
