روودانێن دوهى ل كۆبانێ ژ زارێ ژێده‌ره‌كێ ناڤ باژێرى
ئه‌ڤرۆ نيوز، حه‌مزه ره‌زيكى:
ژێده‌ره‌كێ ناڤا كۆبانێ كو ل ئێك ژ تۆرێن ميديايى يێن كوردستانێ كار دكه‌ت كو شڤێدى هێزێن شه‌رڤانان هێرش كريه سه‌ر چار گۆندێن رۆژئاڤايێ كۆبانێ.
ئه‌ڤى ژێده‌رى تايبه‌ت بۆ ئه‌ڤرۆ نيوز گۆت: “شڤێدى هێزێن شه‌رڤانان هێرش كريه سه‌ر چار گۆندێن رۆژئاڤايێ كۆبانێ و چه‌كدارێن داعش بۆمبه بارانكرينه و چه‌ند كه‌س ژێ كوشتينه”.
ئاشكه‌را ژى كر كو ژ ئه‌نجامێ وى شه‌رێ ل سه‌ر هه‌ر چار گۆندێن رۆژئاڤايێ كۆبانێ دا، 28 چه‌كدارێن داعش هاتينه كوشتن و دو شه‌رڤان ژى شه‌هيد بووينه ل گه‌ل دو سه‌ربازێن له‌شكرێ ئازاد و كه‌سه‌كێ سڤيل ژى پشتى بريندار بووى ئه‌ڤرۆ گيانێ خوه ژ ده‌ست دايه.
پشتى گه‌هشتنا پێشمه‌رگه‌ى ژ هێزا پشته‌ڤانيا ئێك و دو بۆ كۆبانێ نوكه ره‌وش هاتيه گوهاڕتن و شه‌رڤان ل گه‌ل پێشمه‌رگه‌ى و له‌شكرێ ئازاد هێرشان دكه‌نه سه‌ر داعش و پێشره‌ويێ دكه‌ن.
