رووسيا فرۆكێن خوه ل سووريێ خستنه د حاله‌تا ئاماده‌باشيێ دا
ئه‌ڤرۆ نيوز:
پشتى رێككه‌فتنا هێزێن سووريا ديموكرات (هه‌سه‌ده) ل گه‌ل حوكمه‌تا سوورى، برياره رووسيا ل رۆژئاڤايێ كوردستانێ ده‌ڤه‌ره‌كا دژه فرينێ دروست بكه‌ت.
ل دۆر ڤێ چه‌ندێ كه‌نالێ (بى بى سى) راگه‌هاند، د چارچۆڤێ رێككه‌فتنا هه‌سه‌دێ و حوكمه‌تا سووريێ ب ناڤبه‌ريا رووسيا، بۆ وێ چه‌ندێ ئێدى فرۆكێن توركى نه‌شێن ده‌ڤه‌رێ بومبه باران بكه‌ن، رووسيا رازى بوويه ده‌ڤه‌را دژه فرينێ ل رۆژئاڤايێ كوردستانێ دروست بكه‌ت.
ل دووڤ ژێده‌رێن ده‌نگوباسان، رووسيا بۆ روو ب رووبوونا فرۆكێن شه‌رى يێن توركى، فرۆكێن خوه يێن شه‌رى يێن ژ جۆرێ (ئێس يو – سى و پێنج ئێس) خستينه د حاله‌تا ئاماده‌باشيێ دا.
