روونشتنا ئه‌ڤرۆ يا جڤاتا نوونه‌رێن عيراقێ هاته پاشخستن
ئه‌ڤرۆ نيوز:
ژ ئه‌گه‌رێ شه‌ره‌ده‌ڤه‌كى د ناڤبه‌را سه‌ليم جبۆرى، سه‌رۆكێ جڤاتا نوونه‌ران و په‌رله‌مانتارێن ته‌ڤگه‌را سه‌در دا، كۆمبوونا جڤاتا نوونه‌ران هاته پاشخستن.
ب گۆره‌يى په‌رله‌مانتاره‌كى ژ ئه‌نجامێ سه‌ره‌ڤده‌ڤه‌كى دا، د نابڤه‌را سه‌رۆكێ جڤاتا نوونه‌ران و په‌رله‌مانتارێن ته‌ڤگه‌را سه‌در دا، روونشتنا جڤاتا نوونه‌ران هاته پاشخستن و نوكه سه‌ليم جبۆرى هۆلا جڤاتا نوونه‌ران ژى ب جهـ هێلا.
حاك سه‌رحان، ئه‌ندامێ جڤاتا نوونه‌رێن عيراقێ بۆ ئه‌ڤرۆ نيوز گۆت: “ئه‌ڤه چه‌ندين جاران ته‌ڤگه‌را سه‌در داخواز كر كو جێگراتيا لژنا خزمه‌تگۆزاريان ل ناڤا جڤاتا نوونه‌ران ب وان بهێته دان وه‌كو ئستيحقاقێ هه‌لبژارتنان مافێ وانه، به‌لێ سه‌رۆكێ جڤاتا نوونه‌ران دبێژيت ئه‌و ب هه‌لبژارتن يێ بۆ ليستا موته‌حيدون ب سه‌رۆكاتيا نوجێفى كه‌فتى”
ئاشكه‌را ژى كر كو ل رۆژا دانانا سه‌رۆك و جێگرێن وێ لژنێ نوونه‌رێ سه‌در ئاماده نه‌بوو و ب هه‌لبژارتن ئه‌و كه‌س ژ ليستا موته‌حيدون هاتيه دانان و گۆت: “هه‌ر چه‌نده سه‌رۆكاتيا ليستێ ژى به‌هرا پارتى يه كو ل به‌ر بوو ڤيان ده‌خيل وى پۆستى وه‌ربگريت، به‌لێ ل ده‌سپێكێ ڤيان ده‌خيل يا ئاماده نه‌بوو و نوكه سه‌رۆكاتيا وێ لژنێ ژى د ده‌ستێ ده‌وله‌تا قانوونێ دايه”
