روونكرنه‌ك ژ سه‌رۆكاتيا هه‌رێما كوردستانێ
ئه‌ڤرۆ نيوز:
سه‌رۆكاتيا هه‌رێما كوردستانێ ل دۆر سه‌ركه‌فتنێن هێزێن پێشمه‌رگه‌يى دبێژيت: وه‌زيرێ پێشمه‌رگه‌يى رۆژانه و ده‌قيقه ب ده‌قيقه يێ ل گه‌ل هێزێن هه‌ڤپه‌يمانان و هه‌ماهه‌نگى يا به‌رده‌وامه.
ئاماژه ب و ێ چه‌ندێ ژى كريه كو ئه‌ڤه ماوه‌كه هنده‌ك نڤيسين و لێكدانه‌ڤه د ناڤ ميديا و راگه‌هاندنێ دا بزاڤا شێواندنا سه‌ركه‌فتنا پێشمه‌رگه‌يى و كێمكرنا گرنگيا ئه‌ڤێ سه‌ركه‌فتنێ دده‌ن و ب دله‌كێ بريندار به‌حس لێ دهێته كرن كو وه‌زيرێ پێشمه‌رگه‌يى د به‌ره‌يێن شه‌رى دا ديار نينه.
ده‌قێ روونكرنێ:
ماوه‌كه هنده‌ك نڤيسين و لێكدانه‌ڤه د ناڤا ميديا و راگه‌هاندنێ دا بزاڤا شێواندنا سه‌ركه‌فتنێن پێشمه‌رگه‌يى و كێمكرنا گرنگيا ئه‌وێ سه‌ركه‌فتنێ دهێته دان و ب دله‌كێ بريندار به‌حس لێ دكه‌ن كو به‌رێز وه‌زيرێ پێشمه‌رگه‌يى د به‌ره‌يێن شه‌رى دا ديار نينه و ئاگه‌هـ ژ پلان و هێشرێن هێزێن پێشمه‌رگه‌يى ل به‌ره‌يێن شه‌رى نينه.
ل ڤێره بۆ هه‌موو لايه‌كى رادگه‌هينن كو هه‌ر ژ ده‌سپێكا هێرشا داعش بۆ سه‌ر كوردستانێ و گرتنا ستراتيژيه‌تا به‌ره‌ڤانيێ و پاشان ستراتيژيه‌تا هێرشێ بۆ سه‌ر تيرۆرستان ل هه‌موو ميحوه‌ران و روو ب رووى بوونێ دا به‌رێز وه‌زيرێ پێشمه‌رگه‌يى ل حوكمه‌تا هه‌رێما كوردستانێ يێ هايدارى پلانايه. رۆژانه و ده‌قيقه ب ده‌قيقه ل گه‌ل هێزێن هه‌ڤپه‌يمانان يێ د په‌يوه‌ندى و هه‌ماهه‌نگيا به‌رده‌وان دا و زۆر سه‌ركه‌فتيانه كاروبارێن وه‌زاره‌تێ و كارێ پشته‌ڤانيكرنا هێزێن پێشمه‌رگه‌يى ب رێڤه دبه‌ت.
نڤيسینگەها سەرۆكێ هەرێمێ كوردستانێ
24ـی 12ـی 2014
