رۆحانى: ئه‌مريكا رۆژانه داخوازا دانوستاندنان ل گه‌ل ئيرانێ دكه‌ت
ئه‌ڤرۆنيوز:
سه‌رۆك كۆمارا ئيسلامى يا ئيرانى راگه‌هاند، ئه‌مريكا رۆژانه داخوازا ده‌ستپێكرنا دانوستاندنان ل گه‌ل ئيرانێ دكه‌ت.
حه‌سه‌ن رۆحانى، سه‌رۆكێ ئيرانێ گۆت” ئه‌مريكا بۆ ده‌ستپێكرنا دانوستاندنان ل گه‌ل ئيرانێ رۆژانه بۆمه نامه‌يان دهنێريت وبه‌رده‌وام داخوازا دانوستاندنێ ل گه‌ل به‌رپرسێن ئيرانێ دكه‌ت”.
گۆت ژى” ئه‌مريكا مژوولى ياريه‌كا سياسى يا دوو روويه، چونكى ژلايه‌كى ب سه‌پاندنا سزايان فشارێ ل سه‌ر گه‌لێ ئيرانێ دكه‌ت وژلايه‌كێ دى رۆژانه بۆمه نامه‌يان دهنێريت وبه‌حسێ گرنگيا دانوستاندنان بۆ چارسه‌ركرنا كێشان دكه‌ت”.
داخۆيانيێن رۆحانى دده‌مه‌كى دانه كو برياره ل هه‌يڤا چريا دويێ يا ئه‌ڤ ساله، ئه‌مريكا سزايێن نوو ل سه‌ر كه‌رتێ په‌ترۆلا ئيرانى ب سه‌پينيت، نوكه ژى ژئه‌گه‌رێ سزايێن ئه‌مريكى، شيانين ئيرانێ بۆ فرۆشتنا په‌ترۆلا خوه يێن كێم بووين وبهايێ دراڤێ ئيرانى ژى به‌رده‌وام يێن دهێته خوار.
