رۆحانى داخوازا پێكئينانا به‌ره‌يه‌كى بۆ دژى داعش ل ده‌ڤه‌رێ دكه‌ت
ئه‌ڤرۆ نيوز:
سه‌رۆكێ كۆمارا ئيرانێ حه‌سه‌ن رۆحانى، ئه‌ڤرۆ رۆژا سێشه‌مبى، داخواز ژ وه‌لاتێن ده‌ڤه‌رێ كر كو هه‌ڤپه‌يمانيه‌كێ ل دژى تيرۆرێ ل رۆژهه‌لاتا ناڤين پێك بينن د سه‌ر هه‌ڤپه‌يمانيا نێڤده‌وله‌تى را، ئه‌وا وه‌لاتێن ئێكگرتى يێن ئه‌مريكى سه‌په‌رشتيا وێ ل دژى چه‌كدارێن داعش ل سوريا و عيراقێ دكه‌ت.
ئه‌ڤ داخوازيا رۆحانى د چارچوڤێ كۆنگرێ نڤێده‌وله‌تى يێ ل ژێر ناڤونيشانێن “جيهان دژى توندڕه‌وى و توندوتيژيێ” ده‌ما گۆتى: “ئه‌ڤ وه‌لاته دشێن ژ لايێ ئه‌منى و سياسى ڤه هه‌ڤكاريێ بكه‌ن”، زێده‌تر گۆت: “ئه‌م هه‌بوونا بيانيان ل ده‌ڤه‌رێ ب تشه‌كێ گرنگ نابينين”.
چه‌ند رۆژه ل وه‌لاتێ ئيرانێ كۆنگره‌كێ نێڤده‌وله‌تى ل ژێر ناڤونيشانێن “جيهان دژى توندڕه‌وى و توندوتيژيێ” دهێته برێڤه‌برن و چه‌ندين وه‌لاتێن ده‌وروبه‌ر پشكدارى تێدا كريه.