رۆسا گه‌فان ل توركيا دكه‌ت
ئه‌ڤرۆ نيوز:
فه‌رمانده‌كێ سۆپايێ رۆسيا راگه‌هاند كو دێ سيسته‌مه‌كێ هه‌ڤشێوه يێ مووشه‌كێن رۆسى ل نێزيك باژێرێ لازيقيه يێ سوريا دانن كو يێ تايبه‌ته ب لێدانا گه‌شتيێن هه‌لگرێن فرۆكان و ئارمانجێن ئاسمانى و ب مه‌ره‌ما ژناڤبرن و ئامانجكرنا هه‌ر ژێده‌ره‌كێ هه‌ره‌شێ دانايه.
ئاژانسا “سپۆتينك” يا سه‌ر ب حوكمه‌تا رۆسيا، ژ زارێ سێرگى رۆدسكى، سه‌رۆكێ ب رێڤه‌برنا ئۆپه‌راسيۆنا ده‌سته‌يێن ده‌سته‌يا سۆپاسالارێ رۆسيا، به‌لاڤكر مووشه‌ك هاڤێژا “مۆسكۆ” كو ب سيسته‌مێ به‌ره‌ڤانيا مووشه‌كێن فورت هه‌ڤشێوێ “S300″ ئاماده‌كريه، ل نێزيك لازيقيا سوريا “باژێرێ ژدايكبوونا به‌شار ئه‌سه‌د و باژێرێ مه‌زنێ كه‌نارى يێ سوريا” كو هه‌ڤسۆيا توركيا”، ل لايه‌كى دانيت و لايێ دژى نێزيك ئه‌و بنگه‌هێ ئه‌سمانى يێ هێزێن رۆسى ل ناڤ سۆريا كارى تێدا دكه‌ت.
رۆدسكى گۆتژى: “ئه‌و مووشه‌ك هاڤێژه ب سيسته‌مێ فورت ئاماده كريه بۆ به‌ره‌ڤانيا ئه‌سمانى دهێته ب كار ئينان، دێ ل كه‌نارێن لازقيه هێته دانان، هوشدارى ژى دا، دێ هه‌موو ئامانجێن مه‌ترسى ل سه‌ر سه‌ر لايه‌نێ رۆسى هه‌ين ژناڤ به‌ن”.
ب گۆره‌ى پێزانيێن ئاژانشێ، سيسته‌مێ مووشه‌ك هاڤێژى فۆرت، يێ تايبه‌تمه‌نده بۆ به‌ره‌ڤانيكرنا ئه‌سمانى، هه‌روه‌سا بۆ ب كارئينانا ده‌رياى ب هاڤێتنا مووشه‌كێن ب شێوێ ئاسۆى، هه‌ڤده‌م ئاماده‌كريه بۆ ئامانجێن زۆر ب له‌ز كو تايبه‌تمه‌نديا هه‌ڤپێچكرنێ ژى هه‌يه، مه‌ودايێ شيانێن ژناڤبرنا سيسته‌مى د ناڤبه‌را 5 هه‌تا 200 كيلۆمه‌تران دا هه‌يه و دشێت ژى ئامانجان ب بلنداهيا 27 هزار مه‌ترا بينيت ل گه‌ل هێرشكرنا سه‌ر شه‌ش ئامانجان د ئێك ده‌م دا.
ئاماژه ب وێ چه‌ندێ كريه كو رۆلێ مووشه‌ك هاڤێژى د بنيات دا ئه‌وه كو هێرشێ بكه‌ته سه‌ر هه‌لگريا فرۆكان و پارچێن ده‌ريايى يێن زێده‌تر، ئه‌و ژى ئاشكه‌را كر كو ناسناڤێ “بكوژێ هه‌لگرێ فرۆكه‌ڤانى” يێ ل سه‌ر، بنه‌ره‌تا هێزا ئه‌وێ مووشه‌ك هاڤژێ ژى، مووشه‌كا كرۆزه كو دژى گه‌شتيێن ژ جۆرێ P-500 و مه‌ودايێ وێ دگه‌هيته 550 كم يا 700كم و له‌زاتيا وێ ژى 70 هزار كيلۆمه‌تر د ئێك ده‌مژنێر دا.