رۆهنكرنه‌ك ل دۆر بێهنڤه‌دانه‌كا فه‌رمى ل هه‌رێما كوردستانێ دهێته دان
ئه‌ڤرۆنیوز:
وه‌زاره‌تا ئه‌وقافێ وكاروبارێن ئایینى ل هه‌رێما كوردستانێ ل دۆر بێهنڤه‌دانه‌كا فه‌رمى ب هه‌لكه‌فته‌كا ئایینى رۆهنكرنه‌ك ده‌ركر.
نه‌به‌ز ئیسماعیل، په‌یڤدارێ وه‌زاره‌تا ئه‌وقافێ وكاروبارێن ئایینى راگه‌هاند” رۆژا چارشه‌مبى 7/11/2018 ل هه‌رێما كوردستانێ بێهنڤه‌دان نینه، به‌لكو ب هه‌لكه‌فتا ژدایكبوونا پێغه‌مبه‌رێ ئیسلامێ، ل رۆژا سێشه‌مبى 20/11/2018 دێ بیته بێهنڤه‌دانا فه‌رمى ل داموده‌زگه‌هێن حوكمه‌تا هه‌رێما كوردستانێ”.
ل هنده‌ك پارێزگه‌هێن عيراقێ ب هه‌لكه‌فتا وه‌غه‌ركرنا محه‌مه‌د پێغه‌مبه‌رى (س) كو دكه‌ڤيته رۆژا چارشه‌مبى 7/11/2018 كريه بێهنڤه‌دانا فه‌رمى، به‌لێ په‌يڤدارێ وه‌زاره‌تا ئه‌وقافێ دبێژيت” چو ساله‌كێ ب وێ هه‌لكه‌فتێ بێهنڤه‌دان نه‌بوويه ل هه‌رێما كوردستانێ”.
