رۆژا جیهانی یا ئاڤێ ل دهۆكێ هاته ساخكرن
ئه‌ڤرۆنيوز:
ب هه‌لكه‌فتا روژا جیهانی یا ئاڤێ ول ژێر درووشمێ”ئاڤێ ب پارێزه” ئه‌ڤرو چارشه‌مبى 28-3-2018ل هولا كۆنگره‌یان ل دهۆكێ ول بن چاڤدێریا فه‌رهاد ئه‌مین پارێزگه‌رێ دهوكێ وب ئاماده‌بونا بهزاد علی ئاده‌م پارێزگه‌رێ دهوكێ ب وه‌كاله‌ت وچه‌ند به‌رپرسێن رێكخراوێن مروڤایه‌تی وفه‌رمانگه‌هێن میری ، بوردێ كاروبارێن مروڤایه‌تی ب هه‌ڤكاری دگه‌ل رێكخراوێن (GIZ-WV-UNECIF) رۆژا جیهانی یا ئاڤێ ساخكر .
ل به‌راهیێ پێشانگه‌هه‌كا تایبه‌ت ل دۆر ب كارئینان وپاراستنا ئاڤێ هاته ڤه‌كرن.
پاشى چالاكییه‌كا تایبه‌ت هاته ل دارخستن ولبه‌راهیێ پارێزگه‌رێ دهوكێ ب وه‌كاله‌ت په‌یڤه‌ك خواند وگوت، دابینكرنا ئاڤێ یا بوویه بابه‌ته‌كێ گرنگ دڤی سه‌رده‌می دا وژلایه‌نێن په‌یوه‌ندیدار خواست كو هه‌موو دهاریكاربن بۆ دانانا پلانێن ستراتیژی بۆ پاراستنا ئاڤێ وئاڤاكرنا سكران وهشیاركرنا خه‌لكی ل دۆر ب كارئینان وپاراستنا ئاڤێ وپێشنیار كر كو كونفرانسه‌كێ زانستی بهێته گرێدان ل دۆر پاراستنا ئاڤێ.
هه‌ر بڤێ هه‌لكه‌فتێ فلمه‌ك وشانوگه‌ریه‌ك ل دۆر چاوانیا پاراستنا ئاڤێ هاتنه نیشان دان، هه‌روه‌سا سترانه‌ك ژلایێ زاروك(رندێ) ل دور پاراستنا ئاڤێ هاته پێكێشكرن ورێڤه‌به‌ریا ژینگه‌هێ ژی نیشادانه‌ك ل دور كارتێكرنا ئاڤێ ل سه‌ر ژینگه‌هێ پێشكێشكر.
ل 22-3-1992ئێكه‌م جار رۆژا جیهانێ یائاڤێ ژئاليێ نه‌ته‌وێن ئێكگرتیڤه هاته پێناسه‌كرن وئه‌و رۆژ هاته ساخكرن وتا نوكه ئه‌ڤ رۆژه ل گه‌له‌ك وه‌لاتان دهێته ساخكرن.