رۆژا دوشه‌مبى ئێكه‌م كاروانێ حه‌جيێن كوردستانێ دێ به‌ر ب سعوديێ چيت
ئه‌ڤرۆنيوز:
وه‌زاره‌تا ئه‌وقافێ كاروبارێن ئايينى ل هه‌رێما كوردستانێ راگه‌هاند، ل چه‌ند رۆژێن داهاتى ئيكه‌م كارواني حه‌جيێن هه‌رێما كوردستانێ دێ به‌ر ب وه‌لاتێ سعوديێ ب رێكه‌ڤيت.
نه‌به‌ز ئيسماعيل، په‌يڤدارێ وه‌زاره‌تا ئه‌وقافێ وكاروبارێن ئايينى ل هه‌رێما كوردستانێ گۆت” ل رۆژا دوشه‌مبى 22 تيرمه‌ها 2018، ئێكه‌م كاروانێ حه‌جيێن هه‌رێمێ دێ به‌ر ب سعوديێ چيت”.
دياركر ژى” هژمارا حه‌جيێن هه‌رێما كوردستانێ يێن ئه‌ڤ ساله دبيته پێنج هزار و469 كه‌س ودده‌مێ 15 رۆژان دا دێ هه‌موو هێنه ڤه‌گۆهاستن”.
خوياكر” لژنێن ئيدارى ل باژێرێ مه‌دينه دێ ل پێشوازيا حه‌جيان بن وهه‌موو پێرابوونين پێدڤى وه‌كو پێرابوونێن ئيدارى وساخله‌مى ودابينكرنا خوارنێ وئؤتێلان يێن هاتينه وه‌رگرتن”.
په‌يڤدارێ وه‌زاره‌تا ئه‌وقافێ دياركر كو رۆژا 7 ته‌باخا 2018 دووماهى گه‌شتا حه‌جيێن هه‌رێما كوردستانێ بۆ وه‌لاتێ سعوديێ دێ هێته ئه‌نجامدان.
