چه‌ند وه‌لاتێن عه‌ره‌بى ب نهێنى پشته‌ڤانێن ريفراندۆمێ نه
ئه‌ڤرۆ نيوز:
رۆژناما تايمز يا بريتانى به‌لاڤكر، چه‌ند وه‌لاته‌كێن عه‌ره‌بى ل گه‌ل ئيسرائيل پشته‌ڤانيا جودابوونا كوردستانێ دكه‌ن و روونكريه كو ئه‌و وێ سياسه‌تێ په‌يره‌و دكه‌ن يا كو دبێژيت “دوژمنێ دوژمنێ من، هه‌ڤالێ منه”.
ب گۆره‌ى ئه‌و پێزانينێن رۆژناما تايمز به‌لاڤكرين، ئيسرائيل ب ئاشكه‌را پشته‌ڤانيا ريفراندۆما كوردستانێ دكه‌ت و شاهێ سعودى ژى ب نهێنى، چونكو هه‌ر ئێك ژ وان وه‌لاتان وه‌سان دبينيت كو جودا بوونا كوردستانێ به‌ختێ دروستبوونا بريكاران بۆ دبينيت كو ل گه‌ل ئيرانێ سنوره‌كێ چيايى يێ درێژ هه‌بيت.
به‌رى نوكه بنيامێن نه‌تانياهۆ، سه‌رۆك وه‌زيرێن ئيسرائيل گۆتبوو: “ئيسرائيل پشته‌ڤانيا ئه‌وان بزاڤێن ره‌وا يێن گه‌لێ كورد دكه‌ت دا كو ببنه خودان ده‌وله‌ته‌كا تايبه‌ت ب خوه ڤه”.
هه‌ر ديسا ئه‌و هه‌لويستێ به‌رپرسێن ئيمارات ل سه‌ر پشته‌ڤانيكرنێ ژ جودابوونا كوردستانێ ژ عيراقێ يا به‌رچاڤا و ئێك ژ وان ژى سه‌رۆكا ناڤه‌ندا سياسه‌تێن ئيمارات، ئيتيسام كه‌تبى بوو كو ب گۆره‌ى پێگه‌هێ “العرب الجديد”، ده‌سپێكا ئه‌ڤساله وه‌كو هاريكارى بۆ ريفراندۆما كوردستانێ، ل ده‌سپێكا ئه‌ڤ ساله ياداشته‌كا تێكگه‌هشتنێ ئيمزا كربوو، هه‌ر چه‌نده به‌رپرسێن هه‌رێمێ پێزانين ل سه‌ر ناڤه‌رۆكێ پشتراست نه‌كربوو.
د داخۆيانيه‌كێ دا راگه‌هاند بوو: “هه‌كه كوردستان سه‌ربه‌خۆيا خوه ب راگه‌هينيت و ب ته‌مامى ژ به‌غدا جودا بيت، ئه‌بۆ زه‌بى دێ دانپێدانێ ب سه‌ربه‌خوه‌يا وێ كه‌ت”.
به‌لێ سه‌رۆكێ هه‌رێما كوردستانێ چه‌ندين جاران د گۆتارا خوه دا راگه‌هانديه: “ريفراندۆم مافه‌كێ سرۆشتى يێ خه‌لكێ كوردستانێ يه و ده‌وله‌تا داهاتى يا كوردستانێ نابيت گه‌ف بۆ سه‌ر عيراق و وه‌لاتێن هه‌ڤسۆ”.
د ده‌مه‌كى دا كو چه‌ند به‌رپرسێن عيراقى و ئيرانى د داخۆيانيێن جودا دا، ده‌وله‌تا كوردستانێ ب مه‌ترسى ب ناڤ دبه‌ن و كه‌سانێن وه‌كو نورى مالكى جێگرێ سه‌رۆك كۆمارێ عيراقێ و ئه‌حمه‌ند جه‌نه‌تى به‌رپرێ جڤاتا “شاره‌زايێن رێبه‌ريێ” ب ئيسرائيلا دويێ ب ناڤ دبه‌ن.
