رۆژناما خه‌بات لاپه‌رێ ئێكێ سپى به‌لاڤكر
ئەڤرۆ نیوز، نەوزاد ھلۆری:
رۆژناما خەبات کو ئێکە ژ روژنامەیێن روژانە و دبیتە زمانحالێ پارتی دیموکراتی کوردستان و ل ھەولێرێ دەردچیت و ل ھەموو کوردستانێ دھێتە بەلاڤکرن، د ھژمارا ئەڤرۆ دا لاپەرێ ئێکێ سپی بەلاڤکریە وەکو ئاماژەیەک بو خیانەتا 16ێ ئوکتوبەرا سالا بوری.
د لاپەرا ئێکێ یا رۆژناما خەبات دا بتنێ ناڤێ روژنامێ و مێژوو و ھژمارا ئەڤرۆ یا خەبات لسەر ھاتیە نڤیسان و وەکو دی ھەموو سپی یە ، و ئەڤ یەک ژی دبیتە ئێکەم حالەتێ دەرکەفتنا لاپەرێن رۆژنامەیان ل کوردستانێ ب رەنگێ سپی ب تنێ.
دھێتە زانین کو د رۆژەکا وەکو ئەڤرۆ دا ل سالا 2017 کو ب خیانەتا 16ێ ئوکتوبەرێ دھێـە نیاسین، گروپەکێ ناڤا ئێکەتی ب ھەڤکاری ل گەل سوپایێ پاسدارێن ئیرانێ بریارا ڤەکێشانا ھێزێن پێشمەرگەی ل کەرکوکێ دا و ئەڤ یەک بویە سەدەم کو کەرکوک بھێـە داگیرکرن و کارەساتێن مروڤی بھێتە ئەنجامدان و ھزاران خەلک بھێتە کوشتن و رەفاندن و ھزاران خانو و دوکان و بازار ژی بھێنە سوتن و خراپکرن، و زێدەتری 200 ھزار کەس ژی ئاوارە ببن.
