رۆژنامه‌ك:ئيران ب هاريكاريا لايه‌نه‌كێ كوردى دێ به‌ره‌يه‌كى ل عيراقێ پێكئينيت
ئه‌ڤرۆنيوز:
ل دووڤ ده‌نگوباسێ رۆژنامه‌كا عه‌ره‌بى، قاسم سلێمانى، فه‌رماندێ فه‌يله‌قا قودس يا له‌شكرێ پاسدارێن ئيرانى، دخوازيت هه‌ڤپه‌يمانيه‌كا ب هيز دناڤبه‌را مالكى وعه‌بادى وعامرى وحه‌كيم پێكبينيت.
رۆژناما شه‌رقولئه‌وسه‌ت يا له‌نده‌نى به‌لاڤكر كو قاسم سلێمانى ل گه‌ل سه‌ركردێن شيعى كۆمبوويه ژبۆ دروستكرنا هه‌ڤپه‌يمانيه‌كێ بۆ پێكئينانا حوكمه‌تا عيراقێ يا نوو.
رۆژناما ناڤبرى ژ ده‌زگه‌هێن راگه‌هاندنێ يێن فه‌ره‌نسى ڤه‌گوهاست كو قاسم سلێمانى به‌رى دو رۆژان ل گه‌ل لايه‌نێن شيعى بۆ ڤێ مه‌ره‌مێ كۆمبوويه.
هه‌روه‌سا ده‌زگه‌هێن راگه‌هاندنێ يێن فه‌ره‌نسى ل سه‌ر زارێ ژێده‌ره‌كى كو پشكدارببوو دوێ كۆمبوونێ دا ڤه‌گوهاست كو ئيرانێ دڤێت هه‌ڤپه‌يمانيه‌كێ به‌رفرهه دناڤبه‌را مالكى وعه‌بادى وعامرى وحه‌كيم وئێكه‌تىا نيشتمانى يا كوردستانى پێكبينيت.
