رۆژنامه‌كا ئه‌لمانى: ئه‌مريكا خيانه‌ت ل كوردان كر
ئه‌ڤرۆ نيوز:
رۆژنامه‌كا ئه‌لمانى بابه‌ته‌ك ل بن ناڤونيشانێن “خيانه‌تكرن ل كوردان” به‌لاڤكريه و تێدا به‌حس ل وێ چه‌ندێ دكه‌ت كو ئه‌مريكا خيانه‌تا ل كوردێن رۆژئاڤا كرى.
ب گۆره‌يى نووچه‌كێ WD، رۆژناما به‌رلينز زه‌يتۆنگ د دووماهى ژمارا خوه ئاماژه ب وێ چه‌ندێ كريه كو ئه‌مريكا بۆ ب ده‌ستڤه‌ئينانا ره‌زامه‌نديێ ل سه‌ر بكارئينانا بنگه‌هێ له‌شكرى يێ توركى، ره‌زامه‌ندى نيشان دايه كو حوكمه‌ت و سۆپايێ توركيا ده‌ڤه‌ره‌كا ئارام ل باكوورێ سوريا و رۆژئاڤايێ كوردستانێ دروست بكه‌ن.
ستافێ رۆژنامێ د سه‌رگۆتارێ دا وه‌سان دبينيت كو به‌رى چار سالان هزرا دروستكرنا ده‌ڤه‌ره‌كا ئارام ل رۆژئاڤايێ كوردستانێ هزره‌كا ژيوارى بوو، به‌لێ نوكه نه، چونكو ئه‌وى ده‌مى ده‌سپێكا شه‌رێ ناڤخۆيى يێ سوريا بوو و كورد ژى تووشى هێرشێن مه‌زن يێن گرۆپێن شه‌ركه‌رێن سوريا دبوون.
ئه‌ڤ رۆژنامه وه‌سان ژى دبينيت كو د ڤى ده‌مى دا، گرنگترين تشت بۆ ڤێ ده‌ڤه‌رێ بهێته كرن ئه‌وه پشتڤانيا كوردان بهێته كرن، هێزا ئێكانه نه ب سه‌ركه‌فتيانه روو ب روويێ رێكخراوا تيرۆرستى يا داعش بووينه.
به‌رليز زه‌يتۆنگ به‌حس ل وێ چه‌ندێ ژى كريه كو هه‌ڤپه‌يمانيا رۆژئاڤايى “مه‌زنترن خه‌له‌تيه” دكه‌ت و ب خيانه‌كرن ل كوردان د پێناڤى ب ده‌ستڤه‌ئينانا بنگه‌هه‌كێ له‌شكرى يێ ستراتيژى دا وه‌سف دكه‌ن.
