رۆژنامه‌كا بریتانى:توركیا چه‌كێ قه‌ده‌غه‌كرى دژى كوردێن سووریێ بكارئینایه
ئه‌ڤرۆ نیوز:
رۆژناما تایمز یا بریتانى چیرۆكا زارۆیه‌كێ كورد ب ناڤێ (محه‌مه‌د حه‌مید) ڤه‌دگێریت كو ژیێ وى 13 سالن و ل ده‌مێ بۆردومانا توركى ل سه‌ر ده‌ڤه‌را (سه‌رێ كانیێ) ل رۆژئاڤایێ كوردستانێ، له‌شێ وى ب تمامى ب مادا فسفۆرێ سپى د سۆژیت.
رۆژناما بریتانى دبێژیت” سوتنا محه‌مه‌د حه‌میدى به‌لگه‌كێ ب هێزه ژ وان به‌لگێن دسه‌لمینن كو توركیا چه‌كێ قه‌ده‌غه‌كرى دژى كوردێن رۆژئاڤا بكارئینایه”.
بریاره ئه‌ڤ زارۆیه ب مه‌ره‌ما چاره‌سه‌ركرنێ ژ لایێ ده‌زگه‌هێ بارزانى یێ خێرخوازى بهێته باژێرێ هه‌ولێرێ.
دهێته زانین ل رۆژا ئه‌ینیا بۆرى 18/10/2019 رێكخراوا لێبۆرینا نێڤده‌وله‌تى راگه‌هاندبوو كو توركیا و گرۆپ و میلیشیان تاوانێن شه‌رى ل رۆژئاڤایێ كوردستانێ ئه‌نجامداینه.
