رۆژنامه‌كا بریتانى ژێده‌رێ چه‌كێ كیمیاوی یێ داعش ئاشكرا دكه‌ت
ئه‌ڤرۆنیۆز، ئه‌یاد به‌روارى
رۆژنامه‌كا بریتانی دیاركر كو رێكخستیا ده‌وله‌تا ئیسلامی (داعش) چه‌كێ كیمیاوی ل حه‌له‌ب ل سووریێ بكارئینایه و ئه‌ڤه دبیته جارا دویێ پشتى دژى هێزێن كوردی ل عیراقێ بكارئیناى.
رۆژناما (تلگراف) یا بریتانی به‌لاڤكر” داعشێ ل ده‌ڤه‌را مارع ل باكوورێ حه‌له‌بێ غازا خه‌رده‌ل بكارئینایه و 30 كه‌س تووشی وێ غازێ بووینه و ئه‌ڤه جارا ئێكێ نینه داعش هێرشان ب غازا خه‌رده‌لێ دكه‌ت كو به‌ری نوكه دژى هێزێن كوردی ل عیراقێ بكارئینابوو، ڤێ چه‌ندێ ژى مه‌ترسی په‌داكرینه كو داعشێ چه‌كێ كۆمكوژ هه‌بیت”.
رۆژناما بریتانی پێشبینیا وێ چه‌ندێ دكه‌ت كو داعشێ ئه‌و چه‌كه ژ عومبارێن عیراقێ یێن سه‌رده‌مێ رژێما سه‌دامی بده‌ستڤه‌ئینابن، یان ژی ده‌ست ب سه‌ر چه‌كێ كیمیاوی د عه‌مبارێن له‌شكرێ سووری دا گرتبیت، دیسا داعشێ ده‌ست ب سه‌ر ده‌زگه‌هێ (به‌رق) ل مووسلێ دا گرتبوو كو رێژه‌كا چه‌كێ نه ئاسایی تێدابوو”.
لێ رۆژناما تلگراف ئاماژێ ب بۆچوونه‌كا رۆژناما (بریتون گۆردون) یا تایبه‌تمه‌ند ب وارێ ئه‌منی ڤه كریه كو به‌لاڤكریه” هه‌بوونا ڤی جۆره چه‌كی دده‌ستێ داعشێ دا وێ هاندده‌ت ئێكسه‌ر بكاربینیت وه‌كو شه‌ڕه‌كێ ده‌روونی، لێ ئه‌ڤه رامانا وێ چه‌ندێ ناده‌ت كو داعشێ رێیه‌كا مه‌زن ژ وی چه‌كی یا هه‌ی”.
