رۆژنامه‌ك: عه‌بادی تنێ گرنگيێ ب هه‌لويستێ بارزانی دده‌ت ل كوردستانێ
ئه‌ڤرۆنيۆز:
رۆژنامه‌یا شه‌رقولئه‌وسه‌ت يا له‌نده‌نى به‌لاڤكر، سه‌رۆك وه‌زیرێن عیراقێ دزانيت كو مه‌سعود بارزانى كاريگه‌ريا ب هێز يا هه‌ى، له‌وما عه‌بادى تنێ گرنگيێ ب هه‌لويستێ بارزانى دده‌ت.
رۆژنامه‌یا ناڤبرى ژزارده‌ڤێ ژێده‌ره‌كى ژ حوكمه‌تا به‌غدا ڤه‌دگۆهيزيت، پشتی گه‌له‌ك ده‌ستپێشخه‌ری و هه‌لوه‌ستێن ئه‌رێنی یێن كوردستانێ، به‌لێ سه‌رۆك وه‌زیرێن عیراقێ حه‌يده‌ر عه‌بادى چاڤه‌رێ هه‌لويستێ بارزانى دكه‌ت، چونكى عه‌بادى دزانيت كو بارزانی كاریگه‌ریه‌كا مه‌زن يا هه‌ى و ب دووركه‌فتنا وی ژ پۆستێ سه‌رۆكاتيا هه‌رێما كوردستانێ، بارزانى ژ بريارا سیاسی و سه‌ره‌كی یا هه‌رێما كوردستانێ دوور ناكه‌تن.
وى ژێده‌رێ حوكمه‌تا عيراقى دياركريه ژى كو بارزانى كارتێن ب هيز يێن هه‌ين ودشێت ژى گه‌له‌ك ياريان ب گوهۆريت، ژبه‌ر ڤێ چه‌ندێ سه‌رۆك وه‌زيرێن عيراقێ چاڤه‌رێ هه‌لويسته‌كێ رۆهن يێ بارزانى يه.