رۆژنامەکا ئسرائیلی دەم و جهێ دیدارا رۆحانی و ترەمپی ئاشکرا دکەت
ئەڤرۆ نیوز ، زنار تۆڤی:
رۆژنامه‌یه‌كە ئسرائیلی دەم و جهێ دیدارا دناڤبەرا سه‌رۆكێ و ئه‌مریكا و سه‌رۆكێ ئیرانێ ئاشكرا كریە.
رۆژناما “مه‌عاریف” یا ئسرائیلی کو ل سه‌ر زارێ ژێدەرێن دپلۆماسیان ئاشكرا كریە کو : دۆنااد تره‌مپ، سه‌رۆكێ ئه‌مریكا، ل هەیڤا داهاتی ل شارێ نیویۆرك ل دەمێ برێڤە‌چوونا كۆمبوونێن نه‌ته‌وێن ئێكگرتی، دێ چاڤێ وی ب حه‌سه‌ن رووحانى سه‌رۆكێ ئیرانێ کەڤیت.
هەروەسا گۆتیە، دڤی ماوه‌ی دا و ب مەرەما سه‌رخستنا ڤی گۆپیتکا مێژوویی ژێدەرێن دپلۆماسی یێن ئه‌لمانى و فرەنسی، ب شێوه‌کێ نەفه‌رمى ناڤەندگیریێ دناڤبەرا ئه‌مریكا و ئیرانێدا دكه‌ن.
پێشتر مالپه‌رێ “دیبكا” یێ ئسرائیلی ئاشكرا كریە، كو هه‌ر چه‌نده لایه‌نێ ئیرانى ڤێ دیدارێ ره‌ت دکەت، به‌لێ تره‌مپ یێ خوە بۆ دیدارا رووحانى ئاماده دکەت.
ئه‌و ژی ئاشكرا كریە، كو ب ناڤەندگیریا سه‌لته‌نا عه‌ممانێ، ل هەیڤا خزیرانا بوری گوتۆبێژ دناڤبەرا هه‌ردو وەلاتان ب ئارمانجا لوتكه‌یا دناڤبەرا هه‌ردو سه‌رۆكان ده‌ست پێكریه.
بەری نوکە دۆنالد تره‌مپی ئاماده‌یا خوە بۆ دیدارا رووحانى ده‌ربریە و راگه‌هاندیە، کو هه‌ر دەمێ ئیرانیان بڤێت و ل هه‌ر جهەکێ بیت، لێ بێ مه‌رج، ئەز بۆ دیدارێ یێ ئاماده‌مە.