رۆژنامەکا ئەمریکی: ئورۆپا یا بەر شەڕەکێ دژوار ل گەل داعشێ دچیت
ئەڤرۆنیۆز، ئەیاد بەرواری:
رۆژناما (کریستیان ساینس مونیتۆر) یا ئەمریکی بەلاڤکر کو پشتی ھێرشێن تیرۆرستی ل پاریس، وەلاتێن ئورۆپی یێن بەر ب شەڕی دچن پشتی گەفێن داعشێ ل جیھانێ زێدە بووین.
ل دووڤ وێ رۆژناما ئەمریکی، پشتی زێدەبوونا گەفێن تیرۆرستی ل ئورۆپا و زێدەبوونا ئاوارێن ژ شەڕێن ل رۆژھەلاتا ناڤین د ڕەڤن و ھێرشا لەشکریێ روسی ل ئوکرانیا کو ھەموو دبنە زنجیرەکا کێشان، رەوش وەسا دخوازیت ئێکەیتا ئورۆپی ب راوەستینیت.
پەرلەمانێ بریتانی رازیبوونا خوە ل سەر ئەنجامدانا ھێرشێن ئەسمانی دژێ داعشێ ل سووریێ دیارکربوو، دیسا جڤاتا وەزیرێن ئەلمانی رازیبوونا خوە ل سەر ھنارتنا 1200 سەربازێن ئەلمانی بۆ سووریێ دیارکربوو زێدەباری شەش فرۆکێن تورنادۆ کو پشکداریێ د شەڕێ دژی داعشێ دا بکەن ل سووریێ.
رۆژناما ئەمریکی خویاکر ژی، سەرەرای وێ چەندێ کو کارڤەدانا ئورۆپا دژی تیرۆری، یا ب ھێز بوو، بەلێ چوونا ئورۆپا بۆ ناڤ ھەڤڕکیا سووری مەترسی یێن بوو ھەین.