رۆژنامەکا ئەمریکی بەحسێ داعشەکا نوو دکەت
ئەڤرۆ نيوز:
رۆژناما واشنتۆن پۆست یا ئەمریکی د راپۆرتەکێ دا ئاماژە ب ھندێ دکەت کو سەرھلدانا ھیلالا شیعی و لاوازبوونا پێگەھێ کوردان و سوننان ل عیراقێ و زۆرداریا ئیرانێ ل دەڤەرێ دێ رێ بۆ دەرکەڤتنا ھێزەکا دی یا ھشکباوەر وەکو داعشێ خوەش کەت، چونکو ھەتا نھا ژی چارەنڤیسێ ب ھزاران چەکدارێن داعشێ دیار نینە یێن کو خوە ژ رەققە و مووسلێ ڤەکێشای و کەس نزانیت کا ئەو چەکدارێن تیرۆرست دێ چ کەن.
د پشکەکا دی یا راپۆرتێ دا ئەو یەک ژی ھاتیە دیار کرن کو سیاسەتا مالکی ل عیراقێ رێ بۆ دەرکەفتن و ب ھێزبوونا داعشێ خوەش کر و سیاسەتا نھا یا ئیرانێ ل دەڤەرێ و زۆرداریا کو ل سوننان دھێتە کرن دێ رێ بۆ دەرکەڤتنا گرۆپەکا دی ڤەکەت کو دیسان دەڤەرێ تووشی شەرەکی مەزن کەت، چونکو ئاشکرایە ھەتا ھەموو پرسێن رۆژھەلاتا ناڤین چارەسەر نەبن و ھەموو پێکھاتە و نەتەوێن ل رۆژھەلاتا ناڤین نەگەھنە مافێن خوە دێ قەیران و شەر ھەر بەردەوام بن، سیاسەتا نھا ئیران برێڤە دبەت دێ رێ بۆ شەرەکی دی یێ مەزن ل دەڤەرێ ڤەکەت و نھا گەلەک گرۆپێن چەکداری خوە ل دژی ئیرانێ ب رێکخستن دکەن و ئەگەرێ دەرکەڤتنا گرۆپەکا دی یا چەکداری یا وەکو داعشێ یا ھەی.
