ریال مەدرید ناسناڤێ ئێکێ ژ دەست دا
ئەڤرۆ نیوز:
یانا ئەتلەتیکو مەدرید ب ناسناڤێ کاسا سوپەرا ئوروپی بھێتە خەلاتکرن دەمێ سەرکەفتن ل سەر یانا ریال مەدرید تومارکری ب چار گۆلان بەرامبەر دو گۆلان د یاریا سوپەرا ئوروپی دا و ب ڤێ سەرکەفتنێ ب ناسناڤێ سوپەرا ئوروپی ھاتە خەلاتکرن د وێ یاریێ دا ئەوا یا یاریگەھا لوک ئەرینا ل باژێرێ تالین پایتەختێ ئەستونیا ھاتیە کرن.
د ڤێ یاریێ دا ئەتلەتیکو شیا ل دەقیقەیا ئێکێ ژ یاریێ ب رێکا دیێگو کوستای گۆلا پێشکەفتنێ توماربکەن و پشتی ڤێ گۆلێ ریال مەدرید شیا کونترولا یاریێ بکەت و گۆلا وەکھەڤیێ ب رێکا ھێرشبەرێ خوە کەریم بنزیما توماربکەت و نیڤا ئێکێ ب گۆلەکێ بۆ ھەردو یانا ب دوماھی بھێت.
د نیڤا دویێ دا ریال مەدرید شیا بەردەوامیێ بدەتە ئاستێ خوە یێ باش و شیان گۆلا دویێ ب رێکا پەنەلتیێ توماربکەن ژلایێ کاپتنێ وێ سێرجیو راموس لێ ھند پێنەچو ئەتلەتیکو شیا گۆلا وەکھەڤیێ توماربکەت ب رێکا دیێگو کوستای، پشتی ڤێ گۆلێ چ ژ ئەنجامێ یاریێ نە ھاتە گوھۆرین و ب دو گۆلان ب دوماھی ھات.
ل دەمێ زێدەکری یێ یاریێ ئەتلەتیکو مەدرید شیا دو گۆلان ب رێکا یاریزانێن خوە سائول و کوکی توماربکەن ،ب ڤی ئەنجامی ئەتلەتیکو ب ناسناڤێ کاسا سوپەرا ئوروپی ھاتە خەلاتکرن.
