رێزبه‌نديا زانكۆيێن هه‌رێمێ هاته دانان
ئه‌ڤرۆ نيوز، نيوار محه‌مه‌د سه‌ليم:
وه‌زاره‌تا خواندنا بلند و ڤه‌كۆلينێن زانستى رێزبه‌نديا باشترين زانكۆيێن حكومى و ئه‌هلى ل هه‌رێما كوردستانێ راگه‌هاندن.
ئه‌ڤرۆ رۆژا سێشه‌مبى رێكه‌فتى 8ى كانوونا ئێكێ 2015 د مه‌راسيمه‌كى دا ل وه‌زاره‌تا خواندنا بلند و ڤه‌كۆلينێن زانستى رێزبه‌نديا باشترين زانكۆيێن حكۆمى و ئه‌هلى ل هه‌رێما كوردستانێ هاتنه راگه‌هاندن و بۆ چه‌ند گرۆپه‌كا پارڤه‌كرن.
ب گۆره‌يى وه‌زاره‌تا خواندنا بلند و ڤه‌كۆلينێن زانستى د رێزبه‌ندا زانكۆيێن حكۆمى د گرۆپێ A دا، چو زانكۆ تێدا نينن، د گرۆپێ B دا هه‌ر ئێك ژ زانكۆيا سه‌لاحه‌دين و سۆڕان و كۆيه و سلێمانى و زاخۆ تێدانه.
هه‌ر ديسا د گرۆپێ C دا، زانكۆيا دهۆك و گه‌رميان و رانيه و هه‌ولێر يا نوشدارى و د گرۆپێ D دا زانكۆ چه‌رموو و هه‌له‌بچه و پۆليته‌كنيك دهۆك و پۆليته‌كنيك هه‌له‌بچه و پۆليته‌كنيك سلێمانيێ تێدانه.
د ناڤ زانكۆيێن ئه‌هلى ژى دا چو زانكۆيێن هه‌رێما كوردستانێ د گرۆپێ A دا نينن، به‌لێ د گرۆپێ B دا هه‌ر ئێك ژ زانكۆيا ئه‌مريكى سلێمانى و زانكۆيا گه‌شه‌پێدانا مرۆڤى و زانكۆيا جيهان تێدانه.
د گرۆپێ C ژى دا زانكۆيا جيهان يا هه‌ولێر و ئيشق و كۆمار و نه‌ورۆز تێدانه و گرۆپێ D ژى به‌يان و جيهان يا دهۆكێ و حه‌يات و سابيس و لۆبنانا فره‌نسى يێن تێدا.
