رێز دێ ل ئەکتەرەکا کچ ھێتە گرتن
ئەڤرۆ نیوز، رێوار مزیری:
رێڤەبەریا گشتی یا رەوشەنبیری و ھونەری ل دھۆکێ دێ رێزێ ل ئەکتەرا کچ (رەنا سەوری) ل رۆژا 19ى چريا دويێ 2018ێ ل دەمژمێر 11:00 سپێدێ ل پانۆراما ئازادی ل دھۆکێ گریت.
حەسەن عارف، ژ رێڤەبەریا گشتی یا رەوشەنبیری و ھونەری ل دھۆکێ بۆ ئەڤرۆ نیوز دیار کر کو ژ بەر رۆلێ وێ یێ سەرەکی د فلمێ سینەمایی دا ب ناڤێ (قوربانى) رێڤەبەریا گشتی یا رەوشەنبیری و ھونەری ل دھۆکێ دێ سوبەھی د رێورەسمەکی دا رێزێ ل ئەکتەرا کچ (رەنا سەوری) گریت و گۆت: “د ڤی رێورەسمی دا دێ ریپۆتاژەک ژی ل دۆر رۆلێ کچێ د سینەما کوردی دا ھێتە نیشادان”.
فلمێ (قۆربانی) یێ ژ دەرھێنانا (رزگار حسێن) پێشتر خەلاتێ پارێزگەھا دھۆکێ د فلمە فیستڤالا دھۆک یا نێڤدەولەتی یا شەشێ دا و خەلاتێ باشترین فلم د فیستڤالا نێڤدەولەتی یا لوچزارنی فریشتە ل مۆسکو ب دەست ڤە ئینابوون.