رێكخراوا ساخلەمیا جیهانی هۆشداریەکا ب مەترسی د دەت
ئەڤرۆ نیوز:
رێڤەبەرێ رێكخراوا ساخلەمیا جیهانی هۆشداری دا ژ زێدەتر بەلاڤبوونا ڤایرۆسێ كۆرۆنا یێ ل جیهانێ و راگەهاند، خرابترین رەوش برێڤەیە، هەکە وەلاتێن جیهانێ زێدەتر د هەڤكار و پابەند نەبن ب رێنمایێن خوە پارێزیێ.
تێدرۆس ئەدهانۆم رێڤەبەرێ گشتی یێ رێكخراوا ساخلەمیا جیهانی د كۆنفرانسەكێ رۆژنامەڤانی دا راگەهاند، پێدڤیە ڤێ تراژیدیا مەزن رابگرین و دڤێت باوەر ژ مە بكەن كو خرابترین رەرش برێڤەیە، ژبەركو گەلەك كەس هێشتا ژ مەترسیا كۆرۆنا تێنەگەهشتینە.
هەروەسا گۆت ژی، رێكخراوا ساخلەمیا جیهانی چ نهێنی دەربارەی كۆرۆنا یێ نینە، هەروەسا د بەرسڤا رەخنەیا دۆنالد ترەمپی دا، کو وی راگەهاند بوو، رێكخراوا ساخلەمیا جیهانی زانیاری ل ئەمریكا ڤەشارتینە، ئەدهانۆمی راگەهاندیە، د ئێكەم رۆژ دا تیمەكا ساخلەمیا جیهانی ل ئەمریكا بوویە، ئەڤە ژی بەلگەیێ وێ چەندێ یە، كو مە چ زانیاری ل ئەمریكا و چ وەلاتێن دیتر یێن جیهانێ نەڤەشارتینە.
ئەڤ هۆشداریا ساخلەمیا جیهانی د دەمەكێ دایە، کو پشکەك ژ وەلاتێن ئورۆپا و ئاسیا رێكارێن ساخلەمیێ كێمكرینە و پشکەك ژ وەلاتان ژی قەدەغەیا هاتنوچوونێ هەلگرتیە.
