رێكخراوێن جیهانى داخواز دكه‌ن سوبه گه‌نجه‌كێ كورد نه‌هێته سێداره‌دان
ئه‌ڤرۆ نیوز، ره‌وان نهێلى
رێكخراوێن پاراستنا مافێن مروڤان داخواز ژ وه‌لاتێ ئیرانێ دكه‌ن كو حوكمى سێداره‌دانێ ل سه‌ر گه‌نجه‌كێ كوردى ئیرانى راكه‌ن كو د ته‌مه‌نێ 17 سالیێ دا هاتیه گرتن.
بریاره ده‌ستهه‌لاتا ئیرانى گه‌نجێ كورد یێ ب ناڤێ ” سامان نه‌سیم ” كو نوكه ته‌مه‌نێ وى بوویه 22 سال، سوبه رۆژا پێنجشه‌مبی سێداره‌دان ب گونه‌ها وێ یه‌كێ كو ئه‌ندامه‌كێ رێكخراوه‌كا قه‌ده‌غه‌كریه ل ئیرانێ و پشكدارى د كریارێن چه‌كى دا كریه.
رێكخراوا نه‌ته‌وێن یه‌كگرتى دلته‌نگیا خوه ب زێده‌بوونا كریارێن سێداره‌دانێ ل ئیرانێ دیاركر، حه‌سیبه حاج صه‌حراوى ژ رێكخراوا لێبوورینا نێڤده‌وله‌تى دبێژیت” دێ ئه‌ڤ گه‌نجێ كورد هێته سێداره‌دان، ژبه‌ر كو هێشتا زارۆ ئه‌ڤ گه‌نجه ژبه‌ر لێدانا دژوار دانپێدان كریه”
هه‌روه‌سا ئێكه‌تیا نێڤده‌وله‌تى بۆ مافێن مروڤى داخواز ژ ته‌هران كر كو بریارا سێداره‌دانا ڤى گه‌نجى راوه‌ستیین، كه‌ریم لاهیجى سه‌رۆكێ ئێكه‌تیا نێڤده‌وله‌تى بۆ مافێن مروڤى دبێژیت” گرتنا سامان نه‌سیم و ره‌فتارا كرێت یا ته‌هرانێ ل گه‌ل كرى، نه‌جهێ رازیبوونێ یه، و پێشێلكرنا قانوونێن نێڤده‌وله‌تى یه”.
ل گۆر بنگه‌هێ دیكیومێنتارى یێ مافى مروڤى، حاله‌تێن سێداره‌دانێ ل ئیرانێ ب تنێ ل سالا 2014 گه‌هشتینه 586 حاله‌تان، دده‌مه‌كى دا كو حوكمه‌تا ئیرانێ ب تنێ 206 حاله‌ت راگه‌هاندى نه.
ئاژانسا (أنبا‌ء) یا چالاكڤانێن مافى مروڤى كو باره‌گایێ وێ ژ ده‌رڤه‌ى ئیرانێ یه ل سه‌ر مالپه‌رێ خوه دیاركریه كو حوكمه‌تا ئیرانێ ب تنێ ل دوشه‌مبیا چوویى 14 كه‌س سێداره‌دانیه.
ژێده‌ر: BBC
