رێكخراو ژ باجێن سالێن بۆرى هاتن لێبۆرين
ئه‌ڤرۆنيۆز:
رێكخراوێن باجێن سالێن بۆرى ل سه‌ر، ژلايێ سه‌رۆكاتيا جڤاتا وه‌زيران ل هه‌رێما كوردستانێ هاتن لێبۆرين ووه‌رگرتنا باجان ژ رێكخراوان دێ ل ده‌ستپێكا سالا بهێت ده‌ستپێكه‌ت.
ل دووڤ نڤيسارا سه‌رۆكاتيا جڤاتا وه‌زيران يا هژمار 4698 ل 1/11/2017 كو ئاراسته‌ى وه‌زاره‌تا دارايى ورێڤه‌به‌ريا باجان و خانوبه‌رێن ده‌وله‌تێ ورێڤه‌به‌ريا باجێن كۆمپانيان، هاتيه كو ژبه‌ر چه‌ند ئه‌گه‌ران باج ژ رێكخراوان نه‌هاتينه وه‌رگرتن كو ژلايێ قانوونى ڤه پێدڤى بوو رێكخراو وان باجان بده‌ن.
دياركريه ژى، ژبه‌ركو ژمێرياريا دووماهيێ يا سالانه يا رێكخراوان هاتيه داخستن وژبه‌ركو كارمه‌ندێن وان دبه‌روه‌ختن، ژلايێ پراكتيكى ڤه دێ ب زه‌حمه‌ت بيت باجێن سالێن بۆرى ژێ بهێنه وه‌رگرتن.
نڤيسارا ناڤبرى ئاماژه دده‌ت كو رازيبوون يا هاتيه كرن ل سه‌ر لێبۆرينا وان ريكخراوان ژ باجێن سالێن بۆرى، به‌لێ پێدڤيه ژ كانوونا دويێ 2018 باجێن خوه بده‌ن.