رێنمايێن نوو بۆ هه‌يڤا ره‌مه‌زانێ
ئه‌ڤرۆ نيوز:
رێڤەبەریا کاروبارێن خوپاراستنا ساخلەمیێ پشکا چاڤدێری و سەلامەتیا خوراکی چەندین رێنما بو مەھا رەمەزانێ بەلاڤ کرینە ژ بو بەرژەوەندیا گشتی و پاراستنا ساخلەمیا وه‌لاتیان.
رێنما:
١- دڤێت ھەمی جھێن گشتی پێگریێ ب ڤان رێنمایان بکەن و پاقژیا گشتی ب پارێزن ھەر جھەکێ سەرپێچیێ بکەت دێ کەفتە بەر سزایێن یاسایی.
٢- بەفرا کارگەھان تنێ بو تەزاندنێ بێتە بکارئینان نەیا گونجایە بو ڤەخوارنێ.
٣- چەندین تیم ل مەھا رەمەزانێ دیڤ چونێ ل ناڤ بازاری و کولانێن باژێری دکەن ژبو پاراستنا ساخلەمیا گشتی جھێ سەرپێچیێ بکەت دێ ھێتە سزادان ل دویف یاسا ساخلەمیا گشتی تیمێن مەژی پێک ھاتینە ژ (لژنا بالا یا ساخلەمیا گشتی ل دھوکێ و قەزایێن وێ،لێژنا دیفچونا سەرپێچیا ل قایمقامیێن سەر پارێزگەھا دھوکێ ڤە،تیمێن زێرەڤانیا ساخلەمیێ،تیمێن رێڤەبەریا ئاسایشا دھوکێ،ھوبا ئابوری.
خوارن و خوارنگەهـ:
١- نابیت جگارە بھیچ رەنگەکی بێتە کێشان ل وان خوارنگەھێن دەستویردای ل مەھا رەمەزانێ.
٢- خوارنگەە و کافیتیریا و چایخانە یێن ل مەھا رەمەزانێ شریناھیان دفروشن دڤێت ھەمی شریناھیێن وان د قالکێن تایبەت دابن و لێبلێ کارگەھێ یێ دروست ل سەربیت و ل جھەکێ گونجای و بەرچاڤ بێنە دانان و نابیت خوارن و شریناھیا دروست بکەن دا کارێ وات تێکەل نەبیت.
شرینی و ھەڤیرەکان:
١. نابیت ھیچ جورە شرینیەک بێتە ئامادەکرن ل جھێن نە دەستویر دای تنێ ل جھێن تایبەت و دەستویریا ساخلەمیێ ھەبیت و لێبلێ کارگەھێ و بەروارێ چێکرنێ و سەرڤەچونێ ل سەر ھەمی شرینیا بھێتە دانان.
٢. نابیت ب ھیچ رەنگەکی شرینی ل سەر رەێیف و عەرەبانا بھێتە فروتن.
٣. ئەو جھێن شریناھیا دفروشن نابیت ژدەرڤە بێنە دانان ز دڤێت نخافتی بن.
٤. شرینیێن کارگەھێن پارێزگەھێن دی دڤێت ل دویف رێنمایێن ساخلەمیا گشتی بن و مێژویا دروست کرنێ ل سەربیت.
بەرھەمێن گوشتی:
١. نابیت ب ھیچ رەنگەکی گوشت بێتە دانان ژ دەرڤەی جامخانا و تەزیکەرادا.
٢. پشتی ١٢ نیڤرو دڤێت گوشت بێتە دانان دناڤ تەزیکەرادا.
٣. نابیت کەوال ژ دەرڤەی سەربرخانێ بێتە سەر ژێکرن.
٤. دڤێت ھەمی لەشێن ئاژەلی مورا فیتەرنەری لسەر بیت و دیاربیت کو کەوال دەمێ سەرژێکرنێ یێ ساخلەم بۆ
رێڤەبەریا کاروبارێن خوپاراستنا ساخلەمیا دھوکێ پشکا چاڤدێری و سەلامەتیا خوراکی