رێنمایێن نوو بۆ کلینیکێن کارمەندێن ساخله‌ميێ ده‌ركه‌فتن
به‌رپرسێ سه‌ندیكا كارمه‌ندێن ساخله‌میێ ل پارێزگه‌ها دهۆكێ دیاركركو ئه‌ڤرۆ 12-3-2018، رێنمایێن نوو ل سه‌ر كارمه‌ندێن ساخله‌میێ هاتنه به‌لاڤكرن یێ پێگیریێ پێ نه‌كه‌ت دێ ب كوژمێ 100 هزار هه‌تا ملیۆن دیناران هێته سزادان.
نزار سه‌عید، به‌رپرسێ سه‌ندیكا كارمه‌ندێن ساخله‌میێ ل پارێزگه‌ها دهۆكێ دیاركر: “ل دووڤ رێنمایێن نوو بریار هاتیه دان ئێك گوگه‌ها ده‌رمانان بهێته ده‌ستنيشانكرن، پێدڤیه هه‌موو كارمه‌ندێن ساخله‌میێ بۆ كلینكێن خوه ده‌رمان و پێدڤیێن ساخله‌ميێ ژ وێ گوگه‌هێ بكرن، ئه‌م دێ بۆ وان گوگه‌هێن ده‌رمانان ده‌ست نيشان كه‌ین بۆ وێ چه‌ندێ ئه‌م پشت راست بین ده‌رمانێن راست و دروست دهێنه دان كلینیكێن كارمه‌ندێن ساخله‌میێ و لیژنا ژى هاتیه پێك ئينان بۆ دووڤچوونا ڤێ بابه‌تى و پتر رێكخستنا كارێ كارمه‌ندێن ساخله‌میێ ل هه‌موو كلینیكان”.
خۆیا ژى كر: “هه‌موو كارمه‌ندێن ساخله‌میێ هاتينه ئاگه‌هداركرن ل سه‌ر چاوانیا كاركرنێ د سالا 2018ێ دا یێ زێده‌گاڤيێ بكه‌ت و كار زێده‌هیێ ل شیانێن خوه ئه‌نجام بده‌ت پێگیریێ ب پاقژكرنا جهێن خوه نه‌كه‌ت دێ هێته سزادان”.
