رێژا سه‌خته‌كاريا ده‌نگان ل كه‌ركووك گه‌هشتيه 50%ێ
ئه‌ڤرۆ نيوز، فاتما مزوورى:
سه‌رۆكێ هه‌ڤپه‌یمانیا نيشتمانی، ئه‌ياد عە‌لاويی، راگه‌هاند كو ئەو سه‌خته‌كاریێن ب رێیا هژمارتنا ده‌نگان ب ده‌ستى ل كه‌ركووكێ ئەشكه‌را بوون، دیار دكه‌ن كو هه‌لبژارتنێن رۆژا 12ى خزيرانا 2018ێ، ل دژی گه‌لێ عيراقێ يارپێكرن و تاوان بوو.
عه‌لاوی د داخویانیه‌كێ دا دیار كر كو رێژا سه‌خته‌كاریان ل هنده‌ك ناڤه‌ندێن پارێزگه‌ها كه‌ركووكێ گه‌شتیه 50% و گۆت: “ژبۆ رێز ل ئیرادا گه‌ل بهێته گرتن، پێدڤيە ده‌سته‌لاتا دادوه‌ری پابه‌ندی قانوونا سێی يا هه‌لبژارتنان بيت و بێ جوداهی ده‌نگێن ته‌ڤاهیا پارێزگه‌هێن عيراقێ ب ده‌ست ب هژمێريت.
ناڤاتی هوشیداری دا و گۆت: “كاركرن به‌رووڤاژی قانوونێ دێ پرۆسا سیاسی و ئەو باوه‌ریا كێم يا كو ل ده‌ف عيراقیان و جڤاكا نێڤده‌وله‌تی ب پرۆسه‌یا سیاسی مايى ژى نامينيت، له‌ورا پێدڤيە هلبژارتن بهێنه دووباره‌كرن، ل گه‌ل هندێ كو هنده‌ك وه‌لات بزاڤێ دكه‌ن په‌رده‌يه‌كى ل سه‌ر تاوانێن سه‌خته‌كاريێ دا بدانن و دخوازن حوكمه‌تا نوو ل سه‌ر بنگه‌هێ وان هه‌لبژارتنان بهێته پێكئينان كو بنگه‌هێ وێ ل سه‌ر سه‌خته‌كاريێ و خاپاندنێ بهێته ئاڤاكرن.
