رێڤه‌به‌رێ خواندنا كوردى ل كه‌ركوكێ:حه‌شدا شه‌عبى رێگریێ ل ماموستایێن خواندنا كوردى دكه‌ت
ئه‌ڤرۆ نیۆز، ره‌مه‌زان هه‌رنى :
رێڤه‌به‌رێ خواندنا كوردى ل پارێزگه‌ها كه‌ركوكێ خویاكر ،کو رۆژانه ل سنورێ پارێزگه‌ها كه‌ركوكێ تایبه‌ت قوتابخانێن خواندنا كوردى توشى ئاریشه‌یان و رێگریان دبن ژلایێ حه‌شدا شه‌عبى ڤه چه‌ندین جارا مه لبه‌ر سه‌لامه‌تیا قوتابیان بۆ كریه بێنڤه‌دان به‌لێ رۆژه‌ك نینه،لەورا نه‌چارین ده‌واما خوه بكه‌ین،هەروەسا دخوازین چاره‌یەك ل ره‌وشا قوتابی و ماموستایێن خواندنا كوردى بهێته كرن و مه‌ترسى و رێگرى ل سه‌ر نه‌مینیت.
شێزاد ره‌شید كاكه رێڤه‌به‌رێ خواندنا كوردى ل پارێزگه‌ها كه‌ركوكێ بۆ ئه‌ڤرۆ نیۆز دیاركر، هژماره‌كا قوتابى و ماموستایێن خواندنا كوردى ل ده‌رڤه‌ى پارێزگه‌ها كه‌ركوك دژین و روژانه هاتن و چونێ دكه‌ن به‌لێ هه‌رجار ب بهانه‌یه‌كێ حه‌شدا شه‌عبى رێگریێ ل وان دكه‌ت مه‌ترسى لسه‌ر هه‌یه رێه‌كا دور دبرن هه‌تا دگه‌هنه خواندنا خوه‌و وانه‌یان دبێژن ژبه‌ركو رێ یێن نزیك حه‌شدا شه‌عبى گرتینه نه‌چاركرینه بزڤرنه رێیه‌كا دوورتر بۆ سلامه‌تیا گیانێ خوه.
شێرزاد ره‌شید خویاكر ژى ،پشكا خواندنا كوردى ل كه‌ركوكێ 106 هزار قوتابى هه‌نه كو ب سیسته‌مێ په‌روه‌رده‌یا حكومه‌تا هه‌رێمێ دخوینن،هه‌شت هزار قوتابى و 500 ماموستا و فه‌رمانبه‌ر هه‌ره‌شه ل سه‌ر هه‌یه ژلایێ حه‌شدا شه‌عبى ڤه ل سنورێ كه‌ركوكێ و خواندنا كوردى رێژا 9 هزار ماموستا و فه‌رمانبه‌را هه‌نه به‌لێ نوكه گه‌له‌ك ئاواره بووینه و سستى كه‌فتیه كه‌رتێ په‌روه‌ردێ ل وێ پارێزگه‌هێ ب تنێ ماموستایه‌ك شه‌هید بوویه دڤان روودانا دا.
