رێڤەبەریا چالاكیێن قوتابخانەیان دو خولێن هونەری ڤەكرن
هەرهین محەمەد
بێوار عەلی بداخ، رێڤەبەرێ چالاكیێن قوتابخانەیان بۆ ئەڤرۆ گۆت: مە خولا شێوەكاری و مۆزیكێ ڤەكرینە، شێوەكاری بۆ دو ئاستان هاینە ڤەكرن، یا ئێكێ بۆ قوتابێن قوناغا بنەرەت و بۆ وان قوتابیان یێن قوناغا بنەرەت ب دووماهی ئینای و دێ پشكداری تاقیكرنا پەیمانگەها هونەرێن جوان بیت و مە ل بەرە خولەكا سیرامیكی ڤەكەین بۆ بیست و پێنچ ماموستا ل سنۆرێ پەروەردا رۆژهەلات و رۆژئاڤا و هندی ژ مە بهێت دێ دبەردەوام بین ل سەر ئەڤێ خولێ و هەتا قوتابخانە ڤەدبن و مە نەڤێت كارتێكرن ل خواندنا قوتابیان بیت و دێ تەماشەی ئاستێ قوتابیێن مۆزیكی كەین هەكە یێ باش بو ودێ كونسێرتەكێ ژی بۆ دانین. بێواری گۆت: هەموو پێدڤێن خولێ بۆ قوتابیان د دابینكری نە و قوتابی دئارامم كو پشكداری ڤان خولان بووین و هەتا رادەكەیەكی قوتابیێن مە دزیرەكن و مەرەم ژ ڤەكرنا ڤان خولان ئەوە قوتابی دووربكەین ژ یاریێن ئەلكترونی و ئەنترنێتێ و ئارەزویەك ژی بۆ چێبیت و فێری تشتەكێ باش بن.
ئەحمەد جەرجیس میكائیل، مامۆستایێ خولا هونەری ل رێڤەبەریا چالاكیێن قوتابخانەیان دبێژیت: ئەڤە (15) رۆژە ئەڤ خولە دەستپێكریە و دێ یا بەردەوام بیت هەتا كو دەرگەهێن قوتابخانەیان ڤەدبن و ئەڤ خولە بتنێ حەفتیێ سێ رۆژن و مە قوتابی ل ڤێ خولێ هەنە حەزژ دیزاینێ و بابەتێن سرۆشتی دكەن و قوتابی دابەش دبن ل سەر چەند گروپان و گروپێن دی پێكدهێن بۆ وان قوتابیان یێن خوە بەرهەڤ دكەن كو دێ دچنە پەیمانگەها هونەرێن جوان .
