رێڤەبەریا چاندنا دھۆک – ئەڤە ل دھوکێ نینە
ئەڤرۆ نیوز ، نەوزاد ھلوری:
ماوەیێ دوو رۆژایە ل تورێن جڤاکی وێنەیێن چەند خیارەکان بەلاڤ بوینە و ددەن دیارکرن کو ژبەر بێ بازاریێ جوتیارەکێ پارێزگەھا دھوکێ خیارێن خوە ھاڤێتینە ، رێڤەبەریا گشتی یا چاندنا دھۆکێ رەتکر کو ئەڤ یەک ل دھوکێ بیت.
دڤی واریدا ئەندازیار لەزگین حەجی رێڤەبەرێ گشتیێ چاندنێ ل پارێزگەھا دھۆکێ تایبەت بو ئەڤرۆ نیوز گۆت: (بەلاڤبوونا وێنەیێن جوتیارەکێ کو خیارێن خوە ھاڤێتینە ل سنوورێ پارێزگەھا دھوکێ چوو راستی بوو نینن ، و مە دوڤچوون بوو کریە و دەرکەفتەی نە ل سنوورێ پارێزگەھا دھوکێ یە )
زێدەتر گۆت: ( ئەڤ سالە ل سنوورێ پارێزگەھا دھۆک زێدەتر ژ پێدڤی یا پارێزگەھا دھۆک خیار ھاتینە چاندن و بتنێ ئاریشە د فروتنا وی َدا ھەیە ، نھا بزاڤ دھێتەکرن کو خیارێن پارێزگەھا دھۆک رەوانەیێ پارێزگەھا موسل بھێتەکرن و نھا مە ھاتنا خیارێن بیانی بو ناڤا پارێزگەھا دھوکێ قەدەغەکریە داکو زیان ب جوتیارێن مە نەکەڤیت )
