رێڤەبەرێن نوو یێن ناوچەداریێن خانكێ و چەمانكێ دەست ب كاربوون
رێڤەبەرێن نوو یێن هەردو ناوچەداریێن خانكێ و چەمانكێ یێن سەر ب پارێزگەها دهۆكێ ڤە دو ل هەمبەر وەزیرێ ناڤخوە یێ حوكمەتا هەرێما كوردستانێ سووندا یاسایی خوار و دەست ب كاربوون.
د چارچوڤێ وان گوهۆڕینێن بەردەوامێن حوكمەتا هەرێما كوردستانێ ل دەم و دەزگەهێن حكومی ئەنجام ددەت، پێخەمەت پتر خزمەتكرنا وەلاتیان، دوهی رۆژا دووشەمبی 3/4/2023 ل دیوانا وەزارەتا ناڤخوە و ل هەمبەر رێبەر ئەحمەد، وەزیرێ ناڤخوە یێ حوكمەتا هەرێما كوردستانێ و ب ئامادەبوونا د. عەلی تەتەر، پارێزگارێ دهۆكێ زەردەشت شێخ شامۆ وەكو رێڤەبەرێ نوو یێ ناوچەداریا خانكێ و ئیسماعیل حەمید وەكو رێڤەبەرێ نوو یێ ناوچەداریا چەمانكێ سووندا یاسایی خوار و دەست ب كاربوون.
