رێڤەبەرێ ناحیا زومار: ئاوارێن زومار یێ ڤەدگەرنە مالێن خوە
دھۆک، لەزگین جۆقی:
رێڤەبەرێ ناحیا زومار بۆ ئەڤرۆ دیارکر کو پشتی ناحیا زومار ب تەمامی ژ خوە کوژێن داعش ھاتیە پاقژ کرن وەلاتی ھەولدەن ڤەگەرنە سەر مال و مولکێن خوە، گۆت ژی داخوازێ ژ وەلاتیان دکەین بێنفرەە بن ھەتا کو تیمێن ئەندازیاریا لەشکەری کارێ خوە دکەن بۆ سلامەتیا گیانێ وەلاتیان، پاشی خەلک یێ ئازادە بۆ ڤەگەریانێ چونکو چو ئاوارێن زومار ل دھۆکێ و ھەموو دەڤەرێن دی نامینن و ھەموو دێ ڤان رۆژان ڤەگەرنە سەر جھێن خوە.
موزاحم سەعدون رێڤەبەرێ ناحیا زومار دیارکر کو بەردەوام وەلاتی بزاڤا ڤەگەریانێ بۆ سەر مالێن خوە ل زومار و گۆندین ب سەر ڤە دکەن بەلێ بۆ پاراستنا گیانێ وەلاتیان ئەم بزاڤان دکەین جارێ وەلاتی ڤەنەگەرنە زومار ھەتا تیمێن ئەندازیاریا لەشکەری ب کارێ خوە رادبن چونکو پێشبینی دکەین خوە کوژێن داعش تی ئێن تی و تەقەمەنی دانابن، ھەر دەمێ زومار و ھەموو گۆندێن ب سەر ڤە ھاتنە پاقژکرن وەلاتی دشێن ڤەگەرن، ھەروەسا گۆت داعش گەلەک مال پەقاندینە و دێ دەست ب ئەنجام دانا ئامارەکی کەین کا چ زیان گەھشتینە وێ دەڤەرێ و داکو بھێنە قەرەبوو کرن.
موزاحم سەعدون گۆت ژی پێشمەرگەی دربێن مەزن ل خوە کوژێن داعش داینە و دەڤەرا زومار بوو گورەستانا تیرۆرستان و ئالایێ کوردستانی ل سەر ھەموو دام و دەزگەھێن زومار ھاتە بلند کرن.