ل دهۆكێ رێڤه‌به‌ره‌ك هاته گوهۆڕين
ئەڤرۆ نیوز ، نەوزاد ھلۆری:
دچارچوڤێ وان گوھورینێن دناڤ دام ودەزگەە و فەرمانگەھێن حکومەتێ دا دھێنەکرن ئەڤرو ب بەرھەڤبوونا جێگرێ پارێزگەرێ دھوکێ و رێڤەبەرێ پولیسێن پارێزگەھا دھوکێ ورێڤەبەرێ ھاتن وچونا پارێزگەھێ ، ئالوگورکرنا رێڤەبەرێ پولیسێن دارستان و پاراستنا ژینگەھێ ھاتنەکرن ، و وعمید روکن شەوکت سلێمان یاسین وەکو رێڤەبەرێ نوو یێ رێڤەبەریا پولیسێن دارستان و پاراستنێن ژینگەھێ ل پارێزگەھا دھوکێ ب وەکالەت ل شوینا عەمید عیماد عەجیل سەفەر ھاتەدانان.
بەھزاد ئادەم جێگرێ پارێزگەرێ دھوکێ زێدەباری دەستخوشی ل رێڤەبەرێ بەرێ ، پیروزباھیا رێڤەبەرێ نوو ژی کر و گۆت: ( داخوازا سەرکەفتنێ بو رێڤەبەرێ نو دکەین و وەکو پارێزگەە پشتەڤانیا خوە ژ بو دیاردکەین ، پێخەمەت پاراستنا دارستان وژینگەھێ).
ژلایێ خوڤە رێڤەبەرێ نوو یێ پولیسێن دارستان و پاراستنا ژینگەھا عمید روکن شەوکت سلێمان یاسین سوزا دا کو ئەو ببیتە جھێ وێ باوەریێ بەرامبەر ئەو ئەرکێ ب وی ھاتیە راسپاردن و گۆت: ( ب ھەموو ھەول و بزاڤ و شیانێن خوە دێ کار ژ بوو پاراستانا دارستان وژینگەھا دەڤەرێ کەم ).