رێڤەبەرێ گشتیێ ئەوقافا دهۆكێ هاتـە گـوهۆڕین
سالار محەمەد دۆسكی:
ب بەرهەڤبوونا شەمعون شلیمۆن، جێگرێ پارێزگارێ دهۆكێ و د. دیار جەباری، نوونەرێ وەزارەتا ئەوقاف و كاروبارێن ئایینی ل پارێزگەها دهۆكێ و چەندین مامۆستایێن ئایینی دوهی 26/3/2024 د رێورەسمەكی دا رێڤەبەرێ گشتیێ ئەوقافا پارێزگەها دهۆكێ هاتە گوهۆڕین و (د. ناسح محەمەد ئوسمان) وەكو رێڤەبەرێ گشتیێ ئەوقاف و كاروبارێن ئایینی ل پارێزگەها دهۆكێ ل جهێ (محەمەد خالد) هاتەدانان.
محەمەد خالد، رێڤەبەرێ بەرێ یێ ئەوقافێ بەحسێ رەوشا رێڤەبەریێ كر د سالێن بۆری دا و ئەو خزمەت و بزاڤێن پێشكێشی خەلكێ پارێزگەها دهۆكێ هاتینە كرن و گۆت: «ژ سالا 2020 هەتا نوكە داهاتێ ئەوقافێ بەر ب زێدەبوونێ چوویە و هڤیا سەركەفتێ بۆ رێڤەبەرێ نوو خواست».
دیسا هەر ئێك ژ شەمعون شلیمۆن، جێگرێ پارێزگارێ دهۆكێ و د. زیاد جەباری و مەلا جیهاد حسن، سەرۆكێ لقێ دهۆكێ یێ ئێكەتیا زانایێن ئایینی پەیڤێن پێشكێكرن و پیرۆزباهی ل رێڤەبەرێ نوو كرن.
ل دووماهیێ د. ناسح محەمەد ئوسمان، رێڤەبەرێ گشتیێ ئەوقافا پارێزگەها دهۆكێ سوپاسیا ئامادەبوویان كر و گۆت: «ب پشتەڤانیا هەمی فەرمانبەرێن رێڤەبەریێ دێ بەردەوامیێ ب كاروانێ خزمەتكرنا خەلكێ خوە و مامۆستایێن ئایینی دەین».
