رێڤەبەرەکێ گشتی دھێتە دورخستن
ئەڤرۆ نیوز:
پشتی رێڤەبەرێ گشتی یێ راگەھاندنێ ل وەزارەتا رەوشەنبیری و لاوان ژ کارێ وی ھاتیە دوورخستن ئاشکرا کر کو نەدادپەروەری بەرانبەر وی ھاتیەکرن و ژ مافێ خوە بێدەنگ نابیت.
ھەلگۆرد جوندیانی، رێڤەبەرێ گشتی یێ راگەھاندنێ ل وەزارەتا رەوشەنبیری و لاوان دیار کر کو دوھی رۆژا 28/2/2016 ب بڕیارەکێ ئەو ژ کارێ وی ھاتە دوورخستن و بۆ باسنیۆز گۆت: “ئەڤ بڕیارە جھێ قەبوولکرنێ نینە و ئەز ل سەر ڤێ چەندێ یێ بێدەنگ نابم”.
ناڤھاتی ئاماژە دا وێ چەندێ کو ھەر چەوا بیت ئەوی بتنێ ئێک خواندن بۆ ڤێ پرسێ ھەیە ئەوژی ب گڤاشتنا کەسەکی ب ناڤێ (ف.ک) بوویە و گۆت: “بەری نوکە ئەز و ئەو ب شەڕ چووینە، چونکی من نەھێلایە ئەو گەندەلیێ بکەت”.
ھەلگۆردی ئاشکرا کر کو ئەڤرۆ 29/2/2016 د گۆنگرەکێ رۆژنامەڤانی دا دێ بەحسێ ھەموو تشتان کەت و دێ ھەموو گەندەلیان ژی ئاشکرا کەت.
