رێڤەبەرەکێ گشتی ژ پۆستێ وی ھاتە دوورخستن
ئەڤرۆ نيوز:
ب فەرمانا سەرۆکێ حوکمەتا ھەرێما کوردستانێ، رێڤەبەرەکێ گشتی یێ وەزارەتا دارایی و ئابووری یا حوکمەتا ھەرێما کوردستانێ ژ پۆستێ وی ھاتە دوورخستن.
ژێدەرەکێ تایبەت ژ وەزارەتا دارایی و ئابووری یا حوکمەتا ھەرێما کوردستانێ بۆ باسنیۆز ئاشکرا کر کو ل دووماھیا حەفتیا بۆری ب فەرمانا سەرۆکێ حوکمەتا ھەرێما کوردستانێ، زانیار محەمەد، رێڤەبەرێ گشتی یێ باجێ ل ھەرێما کوردستانێ ژ پۆستێ وی ھاتە دوورخستن.
زانیار محەمەد، ئەڤ چەندە پشتراستکر و بۆ باسنیۆز دیار کر کو ئەو بۆ ناف دیوانا وەزارەتا دارایی و ئابووری یا حوکمەتا ھەرێما کوردستانێ ھاتیە ڤەگوھاستن، بەلێ چو پێزانینێن دی ل دۆر ئەگەرێ دوورخستنا خوە دیارنەکرن.
د لایەکێ دی دا ژێدەرەکێ ئاگەھدار د ناڤ دیوانا وەزارەتا دارایی و ئابووری یا حوکمەتا ھەرێمێ دا دیار کر کو نوکە کەسەکی ب ناڤێ (کەمال تەیب) پۆستێ رێڤەبەرێ گشتی یێ باجێ ل ھەرێمێ وەرگرتیە و بۆ باس گۆت: “ئەڤ کەسە فەرمانبەرێ دیوانا وەزارەتا دارایی بوو و بەری نوکە د چارچوڤێ بەرنامێ تواناسازی دا باوەرناما ماستەرێ ژ دەرڤەی وەلاتی وەرگرتیە”.
