رێڤەبەرەک ئەڤرۆ ل دھۆک دێ ھێتە گوھۆڕین
ئەڤرۆ نيوز:
ژڤانە ئەڤرۆ 10ى كانوونا ئێكێ 2017 د رێورەسمەکێ ژ ھەژی دا ب بەرھەڤبوونا بەھزاد عەلی ئادەم، جێگرێ پارێزگەرێ دھۆکێ رێڤەبەرێ پاسپۆرتێن پارێزگەھا دھۆکێ بھێتە گوھۆڕین.
بەھزاد عەلی ئادەم، جێگرێ پارێزگەرێ دھۆکێ نووچێ گوھۆڕینا رێڤەبەرێ پاسپۆرتان ل دھۆکێ بۆ رۆژناما ئەڤرۆ پستڕاستکر و گۆت: “ژڤانە ئەڤرۆ د رێورسمەکێ ژ ھەژی دا بەرھەڤبوونا نوونەرێن چەندین ئالیێن پەیوەندیدار و گرێدای ب رێڤەبەریێ ڤە، نەوزاد سلێمان بوتی، رێڤەبەرێ پاسپۆرتێن پارێزگەھا دھۆکێ بھێتە گوھۆڕین و ل جھێ وی عەمید دلدار نوری عەباس، وەکو رێڤەبەرێ نوو یێ پاسپۆرتان بھێتەدانان.
جێگرێ پارێزگەرێ دھۆکێ ئاماژە ب وێ چەندێ ژی کر کو ئەڤ پرۆسێسە ل سەر وی بنیاتی دێ ھێتە ئەنجامدان کو رێڤەبەرێ بەرێ گەلەک د پۆستێ خوە دا مایە و ل سەر ڤی بنیاتی دێ ھێتە گوھۆڕین و گۆت: “ئەز شاھدم ل سەر کارێن سەرکەفتیێن (نەوزاد سلێمان بوتی) کو رێڤەبەرەکێ سەرکەفتی بوویە و ھیڤیێن سەرکەفتنێ بۆ رێڤەبەرێ نوو ژی خواستن”.
