رێکخراوەک جادەکێ ب درێژاهیا هەشت کیلۆمەتران سەخبێر دکەت
ئەڤرۆ نیوز ، زنار تۆڤی:
رێکخراوا بیاڤ یا مرۆڤایەتی ل ناحیا باتیفا کو ئەڤە ماوەکێ کورتە هاتیە ڤەکرن، لێ چەندین کارێن خێرخوازی بۆ خەلکێ وێ دەڤەرێ ئەنجام داینە.
محەمەد مراد فەتاح بەرپرسێ رێکخراوا بیاڤ ل ناحیا باتیفا بۆ ئەڤرۆ نیوز دیارکر: کو رێکخراوا وان شیایه د ماوەکێ کورت دا چەندین کارێن خێرخوازی ئەنجام بدەت و ژ وان کاران ژی، د هەیڤا تەباخێ دا رێکخراوا وان 10 هزار دۆلار ل سەر 100 خێزانان دا ل ناحیا باتیفا دابەشکرینە، هەروەسا ل ڤێ حەفتیێ دا ئەو شیاینە 160 بەهرەیێن گۆشتێ سۆر ل سەر 160 خێرانێن ئاوارە و کێمدەرامەت و خۆجهێن ڤێ ناحیێ دابەش بکەن.
محەمەدی ئەو ژی گۆت: وان 18 هزار دۆلار بۆ پرۆژێ سەخبێرکرنا جادا دناڤبەرا دۆکەرێ_ بەرۆشکێ مەزاختینە و ئەو دێ وێ رێکێ ب درێژاهیا هەشت کیلۆمەتر و نیڤا سەخبێر کەن و هەموو کەندوکور هاتینە قێرکرن و نوکە ژی کارکرن تێدا یا بەردەوامە.
