رێیا بەردەڕەش – مووسل ب فەرمی ھاتە ڤەکرن
ئه‌ڤرۆ نيوز:
ھێزێن پێشمەرگەی و سۆپایێ عیراقێ رێککەفتن کو رێیا بەردەڕەش بۆ ناحیا باشیکێ و مووسلێ بێتە ڤەکرن.
بۆتان بۆتانی، بەرپرسێ ڕاگەھاندنا قایمەقامیا قەزا بەردەڕەش بۆ ئەڤرۆ دیار کر، دوھی 5\5\2018 ب فەرمی رێیا بەردەڕەش بۆ ناحیا باشیکێ و مووسلێ ھاتە ڤەکرن و گۆت: “ھەردو ئالیێن پێشمەرگەی و سۆپایێ عیراقێ ل سەر ڤەکرنا وێ رێیێ رێککەفتن”.
بۆتانی خویا ژی کر، دەمەکێ درێژە پێشمەرگەی دخواست ئەو رێیە بھێتە ڤەکرن، بەلێ حەشدا شەعبی و سۆپایێ عیراقێ رێگر بوو و گۆت: “خۆشبەختانە دوھی رێ ھاتە ڤەکرن و ھاتنوچوون تێدا ئاسایی بوویە”.
