رێ دنەخوەشن، لێ دلێ پێ خوەشە
غیاس خـالد زێباری
رێ ئامرازەكێ سەرەكیێ پەیوەندیانە د ناڤبەرا وەلات و باژار و باژاركان دا، دیسا ئامرازێ باشتركرنا بازرگانیێن دولایەنی یە، ئانكو دبیتە ئەگەرێ لڤینێن زێدەتر یێن چالاكیێن ئابووری و جڤاكی، ب درێژاهیا دیرۆكێ هەمی دەستهەلاتا گرنگی دایە رێكا و بەردەوام دهێنە نۆژەنكرن و باشتركرن. پڕانیا رێكێن د ناڤبەرا باژێرێن هەرێما كوردستانێ یێن ستراتیژی یێن كەڤنارن و پێدڤیێن خەلكێ كوردستانێ یێن بازرگانی و پەیوەندیان، چونكی یێن سەردەمێ رژێمێن بەرێ یێن ئیراقێ نە و د ئاستێ پێدڤیێن گەشەبوونا نهۆ یا هەرێما كوردستانێ نینە، لەوما حوكمەتا هەرێما كوردستانێ ب تایبەت كابینا نەهێ ب سەرۆكایەتیا مەسرۆر بارزانی گرنگیەكا زۆر دایە رێك و پڕا، نهۆ سەرەدانا هەر باژێرەكێ كوردستانێ ژبەر سەخبێكرن و بەرفرەهكرنا رێكا ئاستەنگێن زوو گەهاندنێ دێ بۆ تەچێبن و ل دەمێ خوە ناگەهییە جهێ مەبەست، رەنگێ ئەڤ چەندە دلگرانیێ بۆ مرۆڤی چێبكەت لێ ئەگەر مرۆڤ ب هووربینی هزرا خوە بكەت دێ دیار بیت كو حوكمەتا هەرێما كوردستانێ ب سەرۆكایەتیا مەسرۆر بارزانی ب هزر و هەستەكا نشتیمانی و دووربین كار بۆ ڤەژاندنا كوردستانێ و بهێزكرنا ژێرخانا ئابووری و بازگارنی و گەهاندنا خزمەتگۆزارییان دكەت، چونكی پڕانیا رێكێن دناڤبەرا باژێرێن كوردستانێ كو رێكێن ستراتیژیینە ب ڕەنگەكێ سەردەم دهێنە نووژەنكرن و بەرفرەهكرن، ب تایبەت د ڤان كاودانێن ئابووری یێن دەولەتا ئیراقێ ب سەر هەرێما كوردستانێ ئینای و د ئینیت، ژ نەبوونا بۆدجەی و ئاستەنگێن هتارنا مووچەی . هنێرەكا مەزنە مەسرۆر بارزانی سەرۆكێ حوكمەتا هەرێما كوردستانێ دشێن بەرامبەر ڤان ئاستەنگێن چێكری و دوژمنكارانە یێن ئابۆریێن دەولەتا ئیراقێ خوە رادگریت و هەوێن بەرفرەه و بەردەوام یێن گەهاندنا خزمەتگۆزاریان بەرپا كرنە ب تایبەت یێن كەرتێ رێك و پڕا كو كەرتەكێ گرنگە و خەرجیێن زۆر پێدڤیێن . ئەڤ هەوا
خوەشكرنا رێكێن دناڤبەرا باژێرێن كوردستانێ هەستا مرۆڤی بۆ باشەرۆژا نێزیكا كوردستانێ گەش دكەت، چونكی پشتی چەند سالێن كێم خەلكی َ كوردستانێ ل سەر باشترین جادەڕا دێ سەرەدانا باژێن كوردستانێ كەت بۆ بجهئینا ئەركێن خوە یێن جڤاكی و لڤینێن بازرگانی و ئابووری ژی ب رەنگەكێ باشتر و بلەزتر دێ چالاكتر بن و كەڤنە د خزمەتا خەلكێ كوردستانێدا كو ئەو ئاستەنگێن نهۆ دهێنە پێش رێڤینگ و بازرگانا بهێتە ژبیركرن . ب رەنگەكێ گشتی ئەڤ هەوا بەرفرەهكرن و نووژەنكرنا رێكێن كوردستانێ خەمخۆری و دلسۆزی و دووربینا مەسرۆر بارزانی بۆ پاشەرۆژا گەشا كوردستانێ نیشا جیهانێ ددەت و بۆ هەتا هەتا دێ بنە جهێ شانازیێ.
