رێ ب هێزێن ئه‌مین هاتیه دان بۆ گرتنا هه‌ركه‌سه‌كێ رێكێن سه‌ره‌كی بگریت
ئه‌ڤرۆ نیوز:
پشتی شه‌ڤا بوری خونیشانده‌ران ل ناڤا باژێرێ به‌غدا و چه‌ند پارێزگه‌هه‌كێن دی ده‌ست ب گرتنا رێكێن سه‌ره‌كی كر، جڤاتا ئاسایشا نیشتمانیا عیراقێ هیزێن ئه‌منی ده‌ست ڤه‌كری كرن بۆ ده‌ستگرنا ئه‌نجامده‌رێن ئه‌ڤی كاری.
لیوا عه‌بدلكه‌ریم خه‌له‌ف په‌یڤدارێ فه‌رمانده‌یی گشتی یێن هێزین چه‌كدارێن عیراقێ راگه‌هاند: جڤاتا ئاسایشا نیشتمانیا عیراقی د بریاره‌كێ دا رێ ب هێزێن ئه‌منی دایه بۆگرتنا هه‌ر كه‌س و خونیشانده‌ره‌كێ بڤێت رێكێن سه‌ره‌كی و فه‌رمانگه‌هین حكومی بگرن.
په‌یڤدارێ فه‌رمانده‌یی گشتی یێن هێزین چه‌كدارێن عیراقێ ئه‌و چه‌نده ژی دیاركر پێدڤیه خونیشانده‌ر پێگیر بن ب گۆره‌پانا خونیشاندانێ ژبه‌ركۆ ئه‌و جه هاتیه پاراستن چ مه‌ترسی بۆ سه‌ر ژیانا وان نینه.
